ବାଲେଶ୍ଵର: ନୀଳଗିରିର ଝରଣାଘାଟି ଜଙ୍ଗଲ ପାଖ ପିଠାହୋତା ଗ୍ରାମରେ ହାତୀ ଉପଦ୍ରବ ଦେଖାଯାଇଛି । ଗତକାଲି ରାତିରେ ଏକ ଦନ୍ତା ହାତୀ ଗ୍ରାମରେ ପ୍ରବେଶ କରି ବ୍ୟାପକ କ୍ଷୟକ୍ଷତି କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ରାତି ଅଧରେ ପିଠାହୋତା ଗାଁରେ ପଶିବା ସହ ଲୋକଙ୍କ ବାଡ଼ିର ଗଛ ଭାଙ୍ଗିବା ସହ ବ୍ୟାପକ କ୍ଷୟକ୍ଷତି କରିଛି । ହାତୀ ଭୟରେ ଘରଦ୍ୱାର ଛାଡି ଗାଁ ଲୋକେ ଏକତ୍ରିତ ହୋଇ ଜଗି ରହିଛନ୍ତି । କିଏ ଛାତ ଉପରେ ତ କିଏ ଗଛ ମୂଳରେ ଆଶ୍ରୟ ନେଇଥିବା ଜଣାପଡ଼ିଛି।
ଗ୍ରାମର ରତିକାନ୍ତ ନାୟକଙ୍କ ଘର ଭିତରକୁ ଦନ୍ତା ହାତୀଟି ପ୍ରବେଶ କରିବାରୁ ଘରେ ଥିବା ବୃଦ୍ଧ ଦମ୍ପତି ହାତୀ ମୁହଁରୁ ଅଳ୍ପକେ ବର୍ତ୍ତିଯାଇଛନ୍ତି । ଗାଁ ଲୋକେ ହାତୀଟିକୁ ଘଉଡେଇବାକୁ ବନ ବିଭାଗକୁ ଦାବି କରିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
