ବାଲେଶ୍ବର: ଘରକୁ ଫେରିଲେ ନିଖୋଜ ବୃଦ୍ଧ । ଦୀର୍ଘ 6 ବର୍ଷ ଧରି ନିଖୋଜଥିବା ଜଣେ ବୃଦ୍ଧଙ୍କର ହୋଇଛି ଘର ବାହୁଡା । ଏମିତି କିଛି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ନୀଳଗିରି ଅଞ୍ଚଳରେ। ଏତେ ଦିନ ପରେ ବୃଦ୍ଧଙ୍କୁ ଦେଖି ପରିବାରରେ ଖୁସି ମନାଇଚନ୍ତି ପୂରା ପରିବାର ।
ନୀଳଗିରି ବ୍ଲକ ତେଲିପାଳ ପଞ୍ଚୟତ ଗୋହିରା ଗ୍ରାମର ଗୌରମୋହନ ସାହୁ 6 ବର୍ଷ ପୂର୍ବେ ଝିଅ ଓ ଜ୍ବାଇଁଙ୍କ ପାଖକୁ ହାଇଦ୍ରାବାଦ ଯାଇ ନିଖୋଜ ହୋଇଯାଇଥିଲେ। ତେବେ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା ୬୫ ବର୍ଷିୟ ଗୌରମୋହନ ସାହୁ କଥା କହିପାରୁ ନଥିବାରୁ ତାଙ୍କୁ ଘରକୁ ଫେରିବାରେ ସମସ୍ୟା ହୋଇଥିଲା ।
ତେବେ 19 ତାରିଖରେ ଗ୍ରାମର କିଛି ଲୋକେ ତ୍ରିବେଣୀକୁ ଗଙ୍ଗାଅସ୍ତି କରିବାକୁ ଯାଇଥିବା ସମୟରେ ହାୱଡା ଷ୍ଟେସନ ନିକଟରେ ଗୌରମୋହନଙ୍କୁ ବୁଲୁଥିବାର ଦେଖିଥିଲେ । ପରେ ସେମାନେ ଚିହ୍ନିପାରି ତାଙ୍କ ସହ ତ୍ରିବେଣୀ ନେଇ ଯାଇଥିଲେ। ଗାଁଲୋକେ ଗୌରମୋହନଙ୍କୁ ଘରେ ଛାଡିବା ପରେ ଘରଲୋକେ ଦେଖି ଖୁସିରେ ଆତ୍ମହରା ହୋଇଯାଇଛନ୍ତି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
