ବଲାଙ୍ଗୀର: ବେଆଇନ ମଦ ଦୋକାନକୁ ନେଇ ତାତିଲେ ଏସଏସଜି ସଦସ୍ୟା । ବଲାଙ୍ଗୀର ବଙ୍ଗୋମୁଣ୍ଡା ବ୍ଲକ ଠେମରା ଗାଁରେ ଦୀର୍ଘ ଦିନରୁ ବେଆଇନ ମଦ ବ୍ୟବସାୟ ଚାଲୁଛି । ଏହାକୁ ବିରୋଧ କରି ବୁଧବାର ଏସଏସଜି ସଦସ୍ୟାମାନେ ବିକ୍ଷୋଭ ପ୍ରଦର୍ଶନ କରିବା ସହ ସିନ୍ଧେକେଲା ଥାନା ଘେରାଉ କରିବା ସହ ଏକ ଅଭିଯୋଗ ପତ୍ର ଥାନା ଅଧିକାରୀଙ୍କୁ ପ୍ରଦାନ କରିଛନ୍ତି ।
ବେଆଇନ ମଦ ବିକ୍ରିକୁ ବିରୋଧ, ଥାନା ଘେରାଉ କଲେ ମହିଳା
ବେଆଇନ ମଦ କେମିତି ସମ୍ପୂର୍ଣ୍ଣ ବନ୍ଦ ହେବ ସେନେଇ ମହିଳାମାନେ ଏକଜୁଟ ହୋଇଛନ୍ତି । ମଦ ଦୋକାନ ଚାଲୁଥିବା ଯୋଗୁଁ ଅନେକ ସମୟରେ ମଦ୍ୟପ ମାନଙ୍କ ପାଇଁ ମହିଳାମାନେ ଦୁର୍ବ୍ୟବହାର ସହିବାକୁ ପଡୁଛି । ଯଦି ଆଗାମୀ ଦିନରେ ମଦ ଦୋକାନ ବନ୍ଦ ନହୁଏ ତେବେ ଆନ୍ଦୋଳନକୁ ଆହୁରି ତୀବ୍ର କରାଯିବ ବୋଲି ମହିଳାମାନେ ଚେତାବନୀ ଦେଇଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
