ବଲାଙ୍ଗୀର: ବିଭିନ୍ନ ଅଭିଯୋଗ ନେଇ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ମୁରିବାହାଲ ଥାନା ଓ ବ୍ଲକ କାର୍ଯ୍ୟାଲୟ ଘେରାଉ କରିଛନ୍ତି । ସେ ଅଭିଯୋଗ କରିଛନ୍ତି, ମୁରିବାହାଲ ଗୋଷ୍ଠି ଉନ୍ନୟନ ଅଧିକାରୀ ବିଭିନ୍ନ ଦୁର୍ନୀତି କାର୍ଯ୍ୟରେ ଲିପ୍ତ ଅଛନ୍ତି । ମନରେଗା ଓ ପ୍ରଧାନମନ୍ତ୍ରୀ ଆବାସ ଯୋଜନା ସେ ବ୍ୟାପକ ଦୁର୍ନୀତି କରିଛନ୍ତି । ସେହିପରି ଚଳିତ ନିର୍ବାଚନରେ ସରକାରୀ ଗାଡିରେ ନିର୍ବାଚନ ପ୍ରଚାର କରୁଥିବାର ଅଭିଯୋଗ ପୋଲିସ ପାଖରେ କରାଯାଇଥିଲା । ହେଲେ ପୋଲିସ ଓଲଟା ଅଭିଯୋଗକାରୀଙ୍କ ନାଁରେ ମାମଲା ରୁଜୁ କରିଥିଲା ।
ପୋଲିସ ଏହି ଦୁର୍ନୀତି ଗ୍ରସ୍ତ ନେତାଙ୍କ ହାତ ବାରିସି ସାଜିଛି ବୋଲି ସେ ଅଭିଯୋଗ ଆଣିଛନ୍ତି । ଜିଲ୍ଲାରେ ଚୋରି, ବେଆଇନ ମଦ କାରବାର ବୃଦ୍ଧି ପାଇଥିବା ବେଳେ ପୋଲିସ ନିରବଦ୍ରଷ୍ଟା ସାଜିଛି । ଏହି ସବୁ ଅଭିଯୋଗ ନେଇ ଶତାଧିକ ସମର୍ଥକଙ୍କ ଗହଣରେ ଥାନା ଓ ବ୍ଲକ କାର୍ଯ୍ୟାଳୟ ଘେରାଉ କରିଥିଲେ ।
ଏନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ବିଡିଓଙ୍କୁ ପ୍ରଦାନ କରିଥିଲେ । ଯଦି ଦାବି ଗୁଡିକ ପୂରଣ ନ ହୁଏ ଆଗକୁ ଆନ୍ଦୋଳନ ବ୍ୟାପକ କରାଯିବ ବୋଲି ସେ ଚେତାବନୀ ଦେଇଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ୍, ଇଟିଭି ଭାରତ
