ବଲାଙ୍ଗୀର: ସରୁନି ଚାଷୀ ସମସ୍ୟା । ବଲାଙ୍ଗୀରରେ ରବି ଋତୁ ଧାନ କିଣା ଚାଲିଥିବା ବେଳେ ଏଠିକାର ଦେଓଗାଁ ପ୍ୟାକ୍ସରେ ଚାଷୀ ତାଙ୍କର ଧାନ ବିକ୍ରି କରି ପାରୁନଥିବା ଅଭିଯୋଗ ହୋଇଛି । ସେହିପରି ଅନେକ ଚାଷୀଙ୍କ ଟୋକନ ଅବଧି ସରି ଯାଇଥିବା ବେଳେ ସେମାନେ ତାଙ୍କର କଷ୍ଟ ଉପାର୍ଜିତ ଧାନ ନ ବିକ୍ରି କରିପାରି ହଇରାଣ ହରକତ ହେଉଛନ୍ତି । ଏହି ସବୁ ସମସ୍ୟାକୁ ନେଇ ଶୁକ୍ରବାର ବଲାଙ୍ଗୀରରେ ଶତାଧିକ ଚାଷୀ ବରଗଡ ବୋରିଗୁମ୍ମା 26 ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି ।
ଧାନ କିଣା ଅବ୍ୟବସ୍ଥା ନେଇ ଚାଷୀଙ୍କ ରାଜରାସ୍ତା ଅବରୋଧ
ପୂର୍ବରୁ ଏହି ଧାନ କିଣା ଅବ୍ୟବସ୍ଥାକୁ ନେଇ ଚାଷୀମାନେ ପ୍ରଶାସନର ଦ୍ବାରସ୍ଥ ହୋଇଥିଲେ । ହେଲେ କିଛି ସୁଫଳ ମିଳିନଥିଲା । ସେପଟେ ମଣ୍ଡିରେ ତାଙ୍କ ଧାନ ଖୋଲା ଆକାଶ ତଳେ ପଡି ରହିବା ଯୋଗୁଁ ନଷ୍ଟ ହେବାକୁ ଲାଗିଛି । ଯାହାକୁ ନେଇ ଶତାଧିକ ଚାଷୀ ରାଜପଥ ଅବରୋଧ କରିଥିଲେ । ଦୀର୍ଘ ସମୟ ପରେ ପ୍ରଶାସନର ପ୍ରତିଶ୍ରୁତି ମିଳିବା ପରେ ଚାଷୀମାନେ ରାସ୍ତାରୋକ ହଟାଇଥିବା ଜଣାପଡିଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
