ବଲାଙ୍ଗୀର: ଜିଲ୍ଲାରେ ଧୂମଧାମରେ ପାଳିତ ହେଉଛି କୃଷିଭିତ୍ତିକ ଗଣପର୍ବ ନୂଆଁଖାଇ । ନିର୍ଦ୍ଧାରିତ ଲଗ୍ନ ଅନୁଯାୟୀ ଇଷ୍ଟଦେବୀଙ୍କ ନିକଟରେ ଭୋଗ ଲାଗି ହୋଇଛି । ମା' ସମଲେଇ ଓ ମା' ପାଟଣେଶ୍ବରଙ୍କ ଠାରେ କୁରେ ପତ୍ରରେ ନୂଆ ଧାନରୁ ପ୍ରସ୍ତୁତ ଚୂନା ଗୁଡ ଲାଗି ହୋଇଛି । ଏନେଇ ମନ୍ଦିରରେ ପ୍ରବଳ ଶ୍ରଦ୍ଧାଳୁଙ୍କ ଭିଡ ମଧ୍ୟ ହୋଇଛି । ଚଳିତବର୍ଷ ଅନ୍ନର ଅଭାବ ନହେଉ ଏବଂ ଜୀବନ ସୁଖମୟ ହେଉ ବୋଲି ଲୋକମାନେ ମା'ଙ୍କ ନିକଟରେ କାମନା କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ତେବେ ଇଷ୍ଟଦେବୀଙ୍କ ନିକଟରେ ଭୋଗ ଲାଗିବା ପରେ ସମସ୍ତେ ନିଜ ନିଜ ଘରେ ନବାନ୍ନ ଖାଉଛନ୍ତି । ନବାନ୍ନ ଖାଇ ସାରିବା ପରେ ସମସ୍ତେ ଜୁହାର ଭେଟ ହୋଇ ପରସ୍ପରକୁ ନୂଆଁଖାଇର ଶୁଭେଚ୍ଛା ଜଣାଉଛନ୍ତି । ସମଗ୍ର ପଶ୍ଟିମ ଓଡିଶାରେ ନୂଆଁଖାଇ ଓ ଜୁହାରଭେଟ ଦୁଇ ଦିନ ଧରି ପାଳନ ହେବ । ଏହି ଅବସରରେ ଜିଲ୍ଲାର ବିଭିନ୍ନ ସ୍ଥାନରେ ବିଭିନ୍ନ ପ୍ରକାରର କ୍ରୀଡା ଓ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ ହୋଇଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ୍, ଇଟିଭି ଭାରତ
