ନୂଆଦିଲ୍ଲୀ: ଭାରତୀୟ ଭାରୋତ୍ତୋଳନ ଫେଡେରେସନ (IWLF) ଚୀନର କମ୍ପାନୀଗୁଡିକ ଦ୍ବାରା ନିର୍ମିତ ଉପକରଣ ବ୍ୟବହାର ବନ୍ଦ କରିବ । ଆଇଡବ୍ଲୁଏଲଏଫ ସେକ୍ରେଟେରୀ ଜେନେରାଲ ସହଦେବ ଯାଦବ କହିଛନ୍ତି ଯେ ଏହି ପ୍ରସଙ୍ଗରେ ଫେଡେରେସନ ସ୍ପୋର୍ଟସ ଅଥୋରିଟି ଅଫ୍ ଇଣ୍ଡିଆ (SAI)କୁ ଚିଠି ଲେଖିଛି।
ଯାଦବ ଗୁରୁବାର କହିଛନ୍ତି ଯେ ଚିଠିର ଉତ୍ତର ପାଇଁ ଆମକୁ ଅପେକ୍ଷା କରିବାର ଆବଶ୍ୟକତା ନାହିଁ, ଆମେ ନିଷ୍ପତ୍ତି ନେଇଛୁ ଯେ ଆମେ ଚୀନ କମ୍ପାନୀଗୁଡିକରୁ କୌଣସି ଉପକରଣ କିଣିବୁ ନାହିଁ।
ଆଇଡବ୍ଲୁଏଲଏଫ ଗତ ବର୍ଷ ଚୀନ କମ୍ପାନୀ ‘ZKC' ଠାରୁ ଚାରୋଟି ଭାରୋତ୍ତୋଳନ ସେଟ୍ ଅର୍ଡର କରିଥିଲା ଯାହା ବାରବେଲ ଏବଂ ଓଜନ ପ୍ଲେଟକୁ ନେଇ ଗଠିତ । ଯନ୍ତ୍ରପାତି ନିଜେ ତ୍ରୁଟିପୂର୍ଣ୍ଣ ବୋଲି ଅଭିଯୋଗ ହୋଇଥିବାବେଳେ ଯାଦବ କହିଛନ୍ତି ଯେ ଏହାର ମୁଖ୍ୟ କାରଣ ହେଉଛି ଯେଉଁ ଦେଶରୁ ଉପକରଣ ଆସୁଛି।
ସେ କହିଛନ୍ତି, ‘‘ଆମେ ସମସ୍ତେ ଜାଣୁ କାହିଁକି ସମସ୍ତେ ଚୀନର ଯନ୍ତ୍ରପାତି ବିରୁଦ୍ଧରେ ଅଛନ୍ତି। ଏହାର ଏକମାତ୍ର କାରଣ ତେଣୁ ଆମେ ଆଉ କିଣିବୁ ନାହିଁ।’’
ସୂଚନା ଯୋଗ୍ୟ ଯେ ଜୁନ 15ରେ ଗଲୱାନ ଠାରେ ଚୀନ ଓ ଭାରତ ସେନା ମଧ୍ୟରେ ହୋଇଥିବା ସଂଘର୍ଷରେ 20 ଜଣ ଭାରତୀୟ ଜବାନ ଶହୀଦ ହୋଇଥିଲେ । ଯାହାପରେ ସାରା ଦେଶରେ ଚୀନ ସାମଗ୍ରୀ ବର୍ଜନ କରିବାକୁ ଆହ୍ବାନ ଦିଆଯାଇଛି ।
@IANS
