ନୂଆଦିଲ୍ଲୀ: କମନୱେଲ୍ଥ ଗେମ୍ସ ୨୦୨୨ ପାଇଁ ଯୋଗ୍ୟତା ଅର୍ଜନ କଲେ ଭାରତୀୟ ଅଲମ୍ପିଆନ ବକ୍ସର ମୀରାବାଇ ଚାନୁ । ସିଙ୍ଗାପୁରରେ ଚାଲିଥିବା ଅନ୍ତର୍ଜାତୀୟ ଭାରୋତ୍ତଳନ ପ୍ରତିଯୋଗିତାରେ ସ୍ବର୍ଣ୍ଣ ପଦକ ହାସଲ କରିଛନ୍ତି ମୀରାବାଇ । ଏହାପରେ ସେ କମନୱେଲ୍ଥ ଗେମ୍ସ ୨୦୨୨ ପାଇଁ ଯୋଗ୍ୟତା ହାସଲ କରିଛନ୍ତି ।
ଏହି ପ୍ରତିଯୋଗିତାର ୫୫ କେଜି ବର୍ଗରେ ପଦକ ହାସଲ କରିଛନ୍ତି ମୀରାବାଇ । ପ୍ରଥମ ରାଉଣ୍ଡରେ ସେ ୮୬ କେଜି ଭାରୋତ୍ତଳନ କରିଥିଲେ । ଏହାପରେ ଦ୍ବିତୀୟ ପର୍ଯ୍ୟାୟରେ ସେ ୧୦୫ କେଜି ଭାରୋତ୍ତଳନ କରି ପୋଡିୟମର ଟପ୍ରେ ଛିଡ଼ା ହେବାକୁ ସକ୍ଷମ ହୋଇ ପାରିଛନ୍ତି ।
ଟୋକିଓ ଅଲମ୍ପିକ୍ସରେ ଭାରତ ପାଇଁ ପ୍ରଥମ ପଦକ ଜିତିଥିଲେ ମୀରାବାଇ ଚାନୁ । ୪୯ କେଜି ବର୍ଗରେ ସେ ସଂଘର୍ଷ ରକି ରୌପ୍ୟ ପଦକ ହାସଲ କରି ଦେଶ ପାଇଁ ଗୌରବ ଆଣିଥିଲେ । ଏହାପରେ ମଧ୍ୟ କଡ଼ା ପରିଶ୍ରମ ଜାରି ରଖିଛନ୍ତି । ଯାହାଫଳରେ ସେ ସିଙ୍ଗାପୁରରେ ଚାଲିଥିବା ଅନ୍ତର୍ଜାତୀୟ ଭାରୋତ୍ତଳନ ପ୍ରତିଯୋଗିତାରେ ପଦକ ହାସଲ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
