ନୂଆଦିଲ୍ଲୀ: ଭାରତୀୟ ଭାରୋତ୍ତଳନ ଫେଡେରେସନ(IWLF)ର ବଡ ନିଷ୍ପତି । କୌଣସି ଚୀନ ନିର୍ମିତ ଉପକରଣର ବ୍ୟବହାର କରିବା ନାହିଁ ବୋଲି IWLF ସାାଧାରଣ ସମ୍ପାଦକ ସହଦେବ ଯାଦବ କହିଛନ୍ତି ।
ଦେଶର ସ୍ବାର୍ଥକୁ ଦୃଷ୍ଟିରେ ରଖି ଏହି ନିଷ୍ପତି ନିଆଯାଇଛି । ଗତ କିଛି ଦିନ ଧରି ଚୀନ ସୀମାରେ ଯାହା ଘଟିଯାଇଛି, ଏହାକୁ ନେଇ ଦେଶତମାମ ଆକ୍ରୋଶ ଭରି ରହିଛି । ଚୀନ ଜିନିଷ ବର୍ଜନ ପାଇଁ ଦାବି ହେଉଛି । ବର୍ତ୍ତମାନ ଭାରତୀୟ ଭାରୋତ୍ତଳନ ଟିମ ପଟିଆଲାରେ ରହିଛି । ଯେତେଶୀଘ୍ର ସମ୍ଭବ ଚାଇନା ଉପକରଣକୁ ହଟାଇଦେବାକୁ ନିର୍ଦ୍ଦେଶ ଦିଆଯାଇଥିବା ସମ୍ପାଦକ ସହଦେବ ଯାଦବ କହିଛନ୍ତି ।
ଜୁନ 15ରେ ଭାରତ-ଚୀନ ସୀମା ଲଦାଖର ଗଲୱାନ ଉପତ୍ୟାକାରେ ଚୀନ ସେନାଙ୍କ ସହ ସଂଘର୍ଷରେ ଜଣେ କର୍ଣ୍ଣେଲଙ୍କ ସମେତ 20 ଜଣ ଭାରତୀୟ ଯବାନ ସହିଦ ହୋଇଥିଲେ । ଚୀନର ମଧ୍ୟ 43 ଜଣ ଗୁରୁତ୍ବର ଆହତ ଓ ମୃତାହତ ହୋଇଥିଲା ସୂଚନା ମିଳିଥିଲା ।
