ନୂଆଦିଲ୍ଲୀ: ବିଶ୍ବକପରେ ଦେଶ ପାଇଁ ଖେଳିବା ସବୁ ଖେଳାଳିଙ୍କ ସ୍ବପ୍ନ ଥାଏ । ଆଇସିସି କ୍ରିକେଟ ବିଶ୍ବକପ 2019 ପାଇଁ ଭାରତୀୟ ଦଳ ଇଂଲଣ୍ଡ ଗସ୍ତ କରୁଛି । ପ୍ରଥମ ଥର ବିଶ୍ବକପ ଦଳରେ ସ୍ଥାନ ପାଇଛନ୍ତି ଯୁବ ଅଲରାଉଣ୍ଡର ବିଜୟ ଶଙ୍କର । ଦଳରେ ଅଭିଜ୍ଞ ଓ ଯୁବ ପ୍ରତିଭାକୁ ସ୍ଥାନ ଦେଇଛନ୍ତି ଚୟନକର୍ତ୍ତା ।
ପ୍ରଥମ ବିଶ୍ବକପ ହୋଇଥିବାରୁ ବିଜୟ ଶଙ୍କର ବେଶ ଉତ୍ସାହିତ ଅଛନ୍ତି । ବିଶ୍ବକପରେ ଭଲ ଖେଳିବା ନେଇ ଦୃଢ ଆଶାବାଦୀ ଅଛନ୍ତି ବିଜୟ । ଏହା ସହିତ ଦଳରେ ଚାରି ନମ୍ବରରେ ଚର୍ଚ୍ଚାରେ ନିଜକୁ ସାମିଲ କରିଛନ୍ତି । ବିଜୟ କହିଛନ୍ତି ସେ ଜଣେ ଆଟାକିଂ ଖେଳାଳି । ତେଣୁ ସେ ଚାରି ନମ୍ବର ସ୍ଥାନରେ ବ୍ୟାଟିଂ କରିବାକୁ ପ୍ରସ୍ତୁତ । ମ୍ୟାଚର 7 କିମ୍ବା 8 ନମ୍ବର ଓଭର ଅବା 30-35ତମ ଓଭର ସବୁ ସମୟରେ ବ୍ୟାଟିଂ ପାଇଁ ପ୍ରସ୍ତୁତ କହିଛନ୍ତି ବିଜୟ ।
କେ ଏଲ ରାହୁଲ, ବିଜୟ ଶଙ୍କର, ଧୋନୀଙ୍କ ନାଁ ଚାରିନମ୍ବର ସ୍ଥାନ ପାଇଁ ଚର୍ଚ୍ଚା ହେଉଛି । ଧୋନୀ ଦଳରେ ଥିବାରୁ ଦଳ ପାଇଁ ଲାଭଦାୟକ ବୋଲି ମଧ୍ୟ ବିଜୟ କହିଛନ୍ତି ।
