କୋଲକତା: ଭାରତୀୟ କ୍ରିକେଟ ଟିମର ଅଧିନାୟକ ବିରାଟ ଡେ-ନାଇଟ ଟେଷ୍ଟ ମ୍ୟାଚ ପାଇଁ ରାଜି ହୋଇଯାଇଛନ୍ତି । ବିସିସିଆଇର ଅଧ୍ୟକ୍ଷ ସୌରଭ ଗାଙ୍ଗୁଲି ଶୁକ୍ରବାର ଦିନ ଏହି ସମ୍ବନ୍ଧରେ ସ୍ପଷ୍ଟ କରିଛନ୍ତି ।
ଗାଙ୍ଗୁଲି ଶୁକ୍ରବାର ଇଡେନ ଗାର୍ଡେନରେ ଅନୁଷ୍ଠିତ ସିଏବି ଦ୍ବାରା ଆୟୋଜିତ ସ୍ବାଗତ ସମୋରୋହରେ ଯୋଗ ଦେଇଥିଲେ । ତେବେ ଏହି କାର୍ଯ୍ୟକ୍ରମରେ ଡେ-ନାଇଟ ଟେଷ୍ଟ ମ୍ୟାଚକୁ ନେଇ ସେ କହିଛନ୍ତି ଯେ, ଆମେମାନେ ଏହି ବିଷୟରେ ଭାବୁଛୁ । ଏନେଇ କିଛି ପଦକ୍ଷେପ ନିଆଯିବ । ମୁଁ ଦିବାରାତ୍ର ଟେଷ୍ଟ ମ୍ୟାଚରେ ବିଶ୍ବାସ ରଖେ । କୋହିଲି ମଧ୍ୟ ଏନେଇ ସହମତି ପ୍ରକାଶ କରିଛନ୍ତି । ମୁଁ ନ୍ୟୁଜ ରିପୋର୍ଟରେ ଦେଖିଛି ବିରାଟ ଦିବାରାତ୍ର ଟେଷ୍ଟ ମ୍ୟାଚ ସପକ୍ଷରେ ନଥିବା । କିନ୍ତୁ ଏହା ସତ ନୁହେଁ । ଖେଳକୁ ଆଗକୁ ବଢେଇବା ଜରୁରୀ । ଏହା ଭବିଷ୍ୟତ । ଲୋକେ କାମ ସାରି ଚମ୍ପିଆନଙ୍କୁ ଦେଖିବାକୁ ଆସିବେ । କେବେ ଏପରି ହେବ ମୁଁ ଜାଣିନି, କିନ୍ତୁ ଏହା ନିଶ୍ଚିତ ରୂପେ ହେବ ।
