ହାଇଦ୍ରାବାଦ: ପ୍ରଥମଥର ପାଇଁ ଭାରତରେ ଆୟୋଜିତ ହେବ ଦିବା-ରାତ୍ର ଟେଷ୍ଟ ମ୍ୟାଚ। ଏନେଇ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକଲର ଭଲ ପଦକ୍ଷେପ କହିବା ସହ କାକର ମ୍ୟାଚକୁ ପ୍ରଭାବିତ କରିପାରେ ବୋଲି ପ୍ରତିକ୍ରିୟା ରଖିଛନ୍ତି।
ଏନେଇ ସେ କହିଛନ୍ତି ଯେ, ଫ୍ଲଡ ଲାଇଟ୍ରେ ଟେଷ୍ଟ ମ୍ୟାଚ ଖେଳାଯିବା ଟେଷ୍ଟ କ୍ରିକେଟରେ ଇତିହାସ ସୃଷ୍ଟି କରିବ । କିନ୍ତୁ ଉପମହାଦେଶୀୟ ଜଳବାୟୁ ଅନୁସାରେ ରାତିରେ କାକର ପଡିବ। ଫଳରେ ବଲ୍ ଥରେ ଓଦା ହେଲେ ପେସ୍ ବୋଲର ଏହାର ଲାଭ ଉଠାଇ ପାରିବେ ନାହିଁ। ଇଡେନ ଗାର୍ଡନରେ ମ୍ୟାଚ ବେଳେ କାକର ପ୍ରତି ଧ୍ୟାନ ରଖିବାକୁ ପଡିବ । ତେବେ ଦିବା-ରାତ୍ର ଟେଷ୍ଟ ଦର୍ଶକଙ୍କ ମନରେ ଉତ୍ସାହ ଆଣିବା ସହ ଲୋକପ୍ରିୟତା ବୃଦ୍ଧି କରିବ।
