ମୁମ୍ବାଇ: ‘ବିଗବସ୍ 14’ ହାଉସରୁ ବିଦାୟ ନେଲେ ଅର୍ଶୀ ଖାନ । ମଡେଲ, ଅଭିନେତା ଡିସେମ୍ବରରେ ଚ୍ୟାଲେଞ୍ଜର ଭାବରେ ଏହି ରିୟାଲିଟି ଶୋରେ ସାମିଲ ହୋଇଥିଲେ । ଏହି ସପ୍ତାହରେ ପ୍ରତିଯୋଗୀ ରାହୁଲ ବୈଦ୍ୟଙ୍କ ବ୍ୟତୀତ ସବୁ ପ୍ରତିଯୋଗୀ ନୋମିନେଟ ହୋଇଛନ୍ତି ବାହାରିବା ପାଇଁ ।
‘ବିଗବସ 11’ରେ ଅଂଶଗ୍ରହଣ କରିଥିବା ଅର୍ଶୀଙ୍କୁ ଏହି ସିଜନରେ ସାମିଲ କରାଯାଇଥିଲା । ତେବେ ତାଙ୍କର ସମ୍ପୂର୍ଣ୍ଣ ଧ୍ୟାନ ବିକାଶ ଗୁପ୍ତାଙ୍କ ଉପରେ ଥିଲା। ବାରମ୍ବାର ଦୁହିଁଙ୍କ ମଧ୍ୟରେ ଖୁବ୍ ଝଗଡା ହୋଇଥିଲା । ଅର୍ଶୀଙ୍କୁ ସ୍ବିମିଂ ପୁଲ୍ ଭିତରୁ ଠେଲିବାରୁ ବିକାଶଙ୍କୁ ଶୋରୁ ବାହାର କରିଥିଲେ ମେକର୍ସ ।
ପ୍ରକାଶ ଥାଉକି ଏଥର ଚ୍ୟାଲେଞ୍ଜର୍ସ ଭାବେ ରାକ୍ଷୀ ସାୱନ୍ତ, ଅର୍ଶୀ, ରାହୁଲ ମହାଜନ, କଶ୍ମୀରା ଶାହ, ମନୁ ପଞ୍ଜାବୀ ଏବଂ ବିକାଶ ସାମିଲ ହୋଇଥିଲେ । ଏବେ ରାକ୍ଷୀ କେବଳ ଚ୍ୟାଲେଞ୍ଜ ରୂପେ ଶୋରେ ଅଛନ୍ତି ।
