ମୁମ୍ବାଇ: ବଲିଉଡ ଅଭିନେତା ବରୁଣ ଧୱନ ତାଙ୍କ ମାଆଙ୍କ ଜନ୍ମଦିନରେ ଇନଷ୍ଟାଗ୍ରାମରେ ଏକ ସ୍ୱତନ୍ତ୍ର ପୋଷ୍ଟ ସେୟାର କରିଛନ୍ତି । ବରୁଣ ଇନଷ୍ଟା ପୋଷ୍ଟରେ ତାଙ୍କ ମାଆଙ୍କ ପାଇଁ ସବୁଠାରୁ ସୁନ୍ଦର ବର୍ଥଡେ ଓ୍ବିସ ଲେଖିଛନ୍ତି ।
- " class="align-text-top noRightClick twitterSection" data="
">
ବରୁଣ ତାଙ୍କ ମାଆଙ୍କ ଜନ୍ମଦିନରେ ଏକ ଫଟୋ ସେୟାର କରିଥିଲେ । ଯେଉଁଥିରେ ତାଙ୍କ ମା ଏବଂ ଭାଇ ରୋହିତ ଧୱନ ମଧ୍ୟ ନଜର ଆସିଛନ୍ତି ।
ଫଟୋରେ, ବରୁଣ ଏକ ଛୋଟ ପିଲା ପରି ତାଙ୍କ ମାଆଙ୍କ କୋଳରେ ବସିଥିବାବେଳେ ରୋହିତ ମାଆଙ୍କ ପଛରେ ଠିଆ ହୋଇ ଫଟୋ ପାଇଁ ପୋଜ୍ କରୁଥିବାର ନଜର ଆସିଛନ୍ତି । ଫଟୋରେ ସମସ୍ତଙ୍କ ମୁହଁରେ ହସ ଥିବାର ଦେଖିବାକୁ ମିଳିଛି ।
ଏହି ପୋଷ୍ଟରେ ବରୁଣ ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା ମା’ । ମା ସବୁଠାରୁ ଶକ୍ତିଶାଳୀ । ଫର୍ଣ୍ଣିଚର ତିଆରି କରିବା ଠାରୁ ଆରମ୍ଭ କରି ନର୍ସରୀ ଶିକ୍ଷକ ହେବା ଏବଂ ଆମକୁ ବସରେ ସ୍କୁଲ ପଠାଇବା, ଖେଳକୁଦ ପାଇଁ ଟ୍ରେନିଙ୍ଗକୁ ପଠେଇବା ସହ ଆମ ପାଇଁ ବହୁତ କିଛି କରିଛ ମାଆ ।
ବରୁଣ ତାଙ୍କ ମାଆଙ୍କ ଜନ୍ମଦିନର ଏକ ଭିଡିଓ ଇନଷ୍ଟାଗ୍ରାମ ଷ୍ଟୋରୀରେ ମଧ୍ୟ ପୋଷ୍ଟ କରିଛନ୍ତି । ଯେଉଁଥିରେ ତାଙ୍କ ମା ଏବଂ ବାପା ତଥା ନିର୍ଦ୍ଦେଶକ ଡେଭିଡ ଧୱନ କେକ କାଟୁଥିବାର ଦେଖିବାକୁ ମିଳିଛି ।
ଭିଡିଓରେ ବରୁଣ ଏବଂ ତାଙ୍କ ପରିବାରର ସମସ୍ତେ ପୃଷ୍ଠଭୂମିରେ ହାପି ବର୍ଥଡେ ଗୀତ ଗାଉଛନ୍ତି ।
ପରବର୍ତ୍ତୀ ସମୟରେ, ବରୁଣ ଖୁବ୍ ଶୀଘ୍ର ପିତା ଡେଭିଡ ଧୱନଙ୍କ ନିର୍ଦ୍ଦେଶିତ 'କୁଲି ନଂ 1'ରେ ସାରା ଅଲି ଖାନଙ୍କ ସହ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
