ମୁମ୍ବାଇ: ଭାରତୀୟ ମହିଳା ଉଜମା ଅହମ୍ମଦଙ୍କୁ ପାକିସ୍ତାନ ମାଟିରୁ ହିନ୍ଦୁସ୍ତାନ ଫେରାଇ ଆଣିବାରେ ସାହାଯ୍ୟ କରିଥିବା ଭାରତୀୟ ରାଜଦୂତଙ୍କ କାହାଣୀ ବର୍ତ୍ତମାନ ବଡ ପରଦାରେ ଦେଖିବାକୁ ମିଳିବ । କଥିତ ରୂପେ ଉଜମାଙ୍କୁ ପାକିସ୍ତାନରେ ଇଚ୍ଛା ବିରୋଧରୋ ଜବରଦସ୍ତି ବିବାହ କରିବା ପାଇଁ ବାଧ୍ୟ କରାଯାଇଥିଲା ।
ସମୀର ଦୀକ୍ଷିତ, ଜତିଶ ଶର୍ମା, ଗିରୀଶ ଜୌହର ଏବଂ କେବଲ ଗର୍ଗଙ୍କ ମୁଭୀ ଷ୍ଟିଡିଓଜ ଇସଲାମାବାଦରେ ଭାରତର ପୂର୍ବତନ ଡେପୁଟି ହାଇ କମିଶନର ଜେ.ପି ସିଂହଙ୍କ ବାସ୍ତବ କାହାଣୀ ଉପରେ ଫିଲ୍ମ ତିଆରି କରାଯାଉଛି । ଯିଏ 2017ରେ ଉଜମାଙ୍କୁ ଭାରତକୁ ଆଣିବାକୁ ସାହାଯ୍ୟ କରିଥିଲେ ।
ଫିଲ୍ମର ଲେଖକ ରିତେଶ ଶାହା । ଯିଏ ଫିଲ୍ମ 'କାହାନୀ', 'ପିଙ୍କ', 'ଏୟାରଲିଫ୍ଟ' ଏବଂ 'ରେଡ' ଭଳି ଫିଲ୍ମର ପଟକଥା ଲେଖିସାରିଛନ୍ତି । ଫିଲ୍ମର ନିର୍ମାତା ଗତ ଫେବୃଆରୀରେ ଜେ.ପିଙ୍କ ସହ ସାକ୍ଷାତ କରିଥିଲେ । ଫିଲ୍ମରେ ବିଦେଶ ମନ୍ତ୍ରୀ ସୁଷମା ସ୍ବରାଜଙ୍କ ଆଧାରିତ ଚରିତ୍ର ମଧ୍ୟ ନଜର ଆସିବ ।
ସମୀର ଏକ ସାକ୍ଷାତକାରରେ କହିଥିଲେ କି ଜେ.ପିଙ୍କ ସହ ସାକ୍ଷାତକାର ପରେ ଆମେ ବୁଝିପାରିଥିଲୁ କି ଭାରତୀୟ ସରକାର ନିଜ ନାଗରିକଙ୍କ ଜୀବନର କେତେ ଚିନ୍ତା କରୁଛି । ସେ ଆହୁରି କହିଥିଲେ କି ଉଜମାଙ୍କୁ ବଞ୍ଚାଇବା ପାଇଁ ସୁଷମାଜି ମଧ୍ୟ ସାହାଯ୍ୟରେ ସାମିଲ ଥିଲେ ଏବଂ ବ୍ୟକ୍ତିଗତ ରୂପେ ଏହି ମାମଲା ଉପରେ ଦୃଷ୍ଟି ରଖିଥିଲେ ।
ଜୋହର ମିଡିଆକୁ କହିଥିଲେ କି ଏହା ବହୁତ ରୋମାଞ୍ଚଭରା କାହାଣୀ । ଜେ.ପି କେବଳ ଆମ ଫିଲ୍ମ ହିରୋ ନୁହେଁ ସେ ଜଣେ ସଚ୍ଚୋଟ ରାଷ୍ଟ୍ର ନାୟକ ମଧ୍ୟ ।
