ମୁମ୍ବାଇ: ନିର୍ଦ୍ଦେଶକ ନିତେଶ ତିୱାରୀଙ୍କ ନିର୍ଦ୍ଦେଶନାରେ ନିର୍ମିତ ମଲ୍ଟିଷ୍ଟାରର ଫିଲ୍ମ ‘ଛିଛୋରେ’ ଶୁକ୍ରବାର ରିଲିଜ ହୋଇଯାଇଛି । ଫିଲ୍ମକୁ ଯେଉଁଠାରେ ଦର୍ଶକ ଏବଂ କ୍ରିଟିକ୍ସଙ୍କ ଭଲ ପ୍ରତିକ୍ରିୟା ମିଳିଛି । ସେହିଠାରେ ମେକର୍ସଙ୍କ ପାଇଁ ଏକ ନୈରାଶଜନକ ଖବର ସାମ୍ନାକୁ ଆସିଛି ।
ରିଲିଜର ମାତ୍ର 24 ଘଣ୍ଟା ମଧ୍ୟରେ ଏହି ଫିଲ୍ମରେ ପାୟରେସୀ ୱେବସାଇଟ ତାମିଲ ରକର୍ସରେ ଲିକ କରିଦିଆଯାଇଛି । ପାଖାପାଖି 70 କୋଟି ଟଙ୍କା ବଜେଟରେ ନିର୍ମାଣ ହୋଇଥିବା ‘ଛିଛୋରେ’ରେ ଶ୍ରଦ୍ଧା କପୁର, ସୁଶାନ୍ତ ସିଂ ରାଜପୁତ, ନବୀନ ପୋଲିସେଟ୍ଟି, ବରୁଣ ଶର୍ମା, ପ୍ରତୀକ ବବ୍ବର ଓ ପ୍ରଶାନ୍ତ ନାୟରଣ ଭଳି କଳାକାର ନଜର ଆସିଛନ୍ତି । ଏଯାବତ ଏହି ଫିଲ୍ମଟି 21.30 କୋଟି ଟଙ୍କା ଆୟ କରିସାରିଲାଣି ।
ପ୍ରକାଶ ଥାଉକି ଯେକୌଣସି ଫିଲ୍ମକୁ ଇଣ୍ଟରନେଟରରେ ଲିକ କରିବା ପାଇଁ ତାମିଲ ରକର୍ସ ବାରମ୍ବାର ନିଜର ଡୋମିନ ପରିବର୍ତ୍ତନ କରିଥାଏ । ଏହି କାରଣ ପାଇଁ ଏଯାବତ ସେହି ସାଇଟ ଉପରେ କୌଣସି ପ୍ରତିବନ୍ଧ ଲଗାଯାଇପାରିନାହିଁ । ସବୁଠାରୁ ସମସ୍ୟାର କଥା ହେଲା କି ଯେଉଁ URLs ବ୍ଲକ କରିଦିଆଯାଇଛି । ତାହା ମଧ୍ୟ ପ୍ରକ୍ସୀ ସର୍ଭର୍ସ ଜରିଆରେ ପୁଣିଥରେ ଆକ୍ସେସ କରାଯାଇପାରିବ । ଏହା ପ୍ରଥମଥର ନୁହେଁ ଯେବେ ଏହି ଫିଲ୍ମ ଅନଲାଇନ ଲିକ ହୋଇଛି । ଏହାପୂର୍ବରୁ ପ୍ରଭାସ ଓ ଶ୍ରଦ୍ଧାଙ୍କ ବହୁ ଚର୍ଚ୍ଚିତ ଫିଲ୍ମ ସାହୋ ମଧ୍ୟ ଅନଲାଇନ ଲିକ ହୋଇସାରିଛି ।
