ମୁମ୍ବାଇ: 73ତମ ସ୍ବାଧୀନତା ଦିବସରେ ବି-ଟାଉନର ଭାଇଜାନ ସଲମାନ ଖାନ ନିଜ ଅନ୍ଦାଜରେ ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି । ଦେଶର ସ୍ବାଧୀନରେ ନିଜକୁ ରଙ୍ଗିବା ସହ ଭାଇମାନଙ୍କୁ ମଧ୍ୟ ରଙ୍ଗି ଦେଇଛନ୍ତି । ସେ ଟ୍ବିଟର ହ୍ୟାଣ୍ଡଲରେ ଭାଇ ଅରବାଜ ଖାନ ଓ ସୋହେଲ ଖାନଙ୍କ ସହ ନିଜର ଏକ ଫଟୋ ସେୟାର କରିଛନ୍ତି । ଆଉ ଏହି ଫଟୋରେ ଖାନ ବ୍ରଦର୍ସ ତ୍ରିରଙ୍ଗା ରଙ୍ଗରେ ରଙ୍ଗେଇ ହୋଇଥିବାର ନଜର ଆସୁଛନ୍ତି । ବର୍ତ୍ତମାନ ସୋସିଆଲ ମିଡିଆରେ ଏହି ଫଟୋଟି ଖୁବ୍ ଭାଇରାଲ ହେବାରେ ଲାଗିଛି ।
ଫଟୋରେ ସଲମାନ କମଳା ରଙ୍ଗର ଟି-ସାର୍ଟ ପିନ୍ଧିଥିବା ବେଳେ ସୋହେଲ ଧଳା ଓ ଅରବାଜ ସବୁଜ ରଙ୍ଗର ଟି-ସାର୍ଟ ପିନ୍ଧିଥିବାର ଦେଖାଯାଉଛନ୍ତି । ଆଉ ଫଟୋ କ୍ୟାପସନରେ ଲେଖିଛନ୍ତି, ‘ସବୁବେଳେ ତୁମେ ଉନ୍ନତି କରିବା ସହ ଆଗକୁ ବଢ ’ । ଆଜିକାଲି ସଲମାନ ନିଜର ଆଗାମୀ ଫିଲ୍ମ ‘ଦବଙ୍ଗ-3’କୁ ନେଇ ଖୁବ୍ ବ୍ୟସ୍ତ । ଫିଲ୍ମରେ ତାଙ୍କ ସହ ଅଭିନେତ୍ରୀ ସୋନାକ୍ଷୀ ସିହ୍ନା ମୁଖ୍ୟ ଭୂମିକାରେ ନଜର ଆସିବେ ।
