କୁଇନଙ୍କ ଜିଦ... ଚିନ୍ତାରେ ମେକର୍ସ

ଅଭିନେତ୍ରୀ କଙ୍ଗନା ରଣାୱତ ସବୁବେଳେ ନିଜ ବିବାଦୀୟ କଥାକୁ ନେଇ ଚର୍ଚ୍ଚାରେ ରହିଥାଆନ୍ତି । ଆଉ କିଛି ଦିନ ପରେ ରିଲିଜ ହେବାକୁ ଯାଉଛି ତାଙ୍କର ଆଗାମୀ ଫିଲ୍ମ 'ମେଣ୍ଟାଲ ହେ କ୍ୟା' । ଫିଲ୍ମରେ ତାଙ୍କ ସହ ଅଭିନୟ କରୁଥିବାର ନଜର ଆସିବେ ଅଭିନେତା ରାଜକୁମାର ରାଓ । ଇତିମଧ୍ୟରେ କଙ୍ଗନାକୁ ନେଇ ମେକର୍ସଙ୍କ ମଧ୍ୟରେ ଚିନ୍ତା ବଢିବାରେ ଲାଗିଛି । କାରଣ କଙ୍ଗନା କରିବା ବସିଛନ୍ତି ଏକ ନୂଆ ଜିଦ ।

ମୁମ୍ବାଇ: କୁଇନ କଙ୍ଗନା ରଣାୱତଙ୍କ ଫିଲ୍ମ 'ମଣିକର୍ଣ୍ଣିକା' 100 କ୍ଲବରେ ସାମିଲ ହେବା ପରେ ବର୍ତ୍ତମାନ ତାଙ୍କ ଚାହିଦା ଖୁବ୍ ବଢିଯାଇଛି । ଏହି ଚାହିଦାକୁ ଆଧାର କରି କଙ୍ଗନା ଫିଲ୍ମ 'ମେଣ୍ଟାଲ ହେ କ୍ୟା ମେକର୍ସ'ଙ୍କୁ ନୂଆ ଟେନସନ ଦେଇଛନ୍ତି । ଇତିମଧ୍ୟରେ କଙ୍ଗନା ମେକର୍ସଙ୍କ ପାଖାରେ ଏକ ନୂଆ ଡିମାଣ୍ଡ କରିବସିଛନ୍ତି । ସେ ଚାହୁଁଛନ୍ତି ମେକର୍ସ ତାଙ୍କ ସୋଲୋ ପୋଷ୍ଟର ଜାରି କରନ୍ତୁ ।

ପ୍ରକାଶ ଥାଉକି ଫିଲ୍ମଟି ଏବର୍ଷ ମାର୍ଚ୍ଚ 29ରେ ସିନେମାଘରେ ଆସିବ । କିନ୍ତୁ ବର୍ତ୍ତମାନ କଙ୍ଗନାଙ୍କ ନୂଆ ଜିଦ ଦେଖି ଚିନ୍ତାରେ ମେକର୍ସ । କଙ୍ଗନା ଫିଲ୍ମ ରିଲିଜ ହେବା ପର୍ଯ୍ୟନ୍ତ କୌଣସି ପୋଷ୍ଟର ପାଇଁ ସୁଟ କରିବେ ନାହିଁ, ଯେପର୍ଯ୍ୟନ୍ତ ତାଙ୍କର ସୋଲୋ ପୋଷ୍ଟର ଜାରି ନ କରାଯାଇଛି । ତେବେ କଙ୍ଗନାଙ୍କ ଜିଦକୁ କିପରି ପୁରା କରିବେ ମେକର୍ସ ତାହା ଦେଖିବାକୁ ବାକି ରହିଲା ।

'ମେଣ୍ଟାଲ ହେ କ୍ୟା ଫିଲ୍ମ'ର ନିର୍ଦ୍ଦେଶନା ପ୍ରକାଶ କୋଲେଭାମୁଦୀ କରିଥିବା ବେଳେ କାହାଣୀ ଲେଖିଛନ୍ତି କନିକା ଢିଲ୍ଲନ । ଫିଲ୍ମଟି ଏକ ସାଇକୋଲଜିକା ଥ୍ରିଲର ଫିଲ୍ମ । ଫିଲ୍ମର କାହାଣୀ ଲଣ୍ଡନ ଏବଂ ମୁମ୍ବାଇର ପୃଷ୍ଠଭୂମିକୁ ଦର୍ଶାଉଛି । ଫିଲ୍ମରେ କଙ୍ଗନାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ରାଜକୁମାର ରାଓ । ଫିଲ୍ମଟି ଗୋଟିଏ ପରେ ଗୋଟିଏ ପୋଷ୍ଟର ରିଲିଜ କରି ଚର୍ଚ୍ଚାକୁ ଆସିଥିଲା ।