ମୁମ୍ବାଇ: ବଲିଉଡ କୁଇନ କଙ୍ଗନା ରଣାୱତ କିଛି ଦିନ ହେବ ସାଜିଛନ୍ତି କଣ୍ଟ୍ରୋଭର୍ସି କୁଇନ । ମୁମ୍ବାଇ ପୋଲିସ ବିଷୟରେ ଅପମାନଜନକ ବୟାନ ଦେଇ ବର୍ତ୍ତମାନ ବିବାଦ ଘେରରେ । ଯାହାକୁ ନେଇ ରାଜନୈତିକ ମହଲ ଗରମ । ଗୋଟିଏ ପଟେ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ ତାଙ୍କ ବିରୋଧରେ ବୟାନ ଦେଇ କହିଛନ୍ତି ଯେ କଙ୍ଗନାଙ୍କ କୌଣସି ନୈତିକ ଅଧିକାର ନାହିଁ ମୁମ୍ବାଇରେ ରହିବା ପାଇଁ । ଅନ୍ୟପଟେ ଶିବସେନା ନେତା ସଞ୍ଜୟ ରାଉତଙ୍କଠୁ ନେଇ ପ୍ରତାପ ସରନାୟକ ମଧ୍ୟ ତାଙ୍କୁ କଡା ଜବାବ ଦେବାରେ ଲାଗିଛନ୍ତି ।
ଆଉ ଏବେ ମହାରାଷ୍ଟ୍ର ନବନିର୍ମାଣ ସେନା ତାଙ୍କ ବିରୋଧ କରି ସାମ୍ନାକୁ ଆସିଛନ୍ତି । ମୁମ୍ବାଇ ପୋଲିସ ବିରୋଧରେ କଙ୍ଗନାଙ୍କ ଟ୍ବିଟକୁ ଆଧାର କରି ମହାରାଷ୍ଟ୍ର ନବନିର୍ମାଣ ସେନାର ସଭାପତି ଅମିୟା ଖୋପକର ସର୍ବସାଧାରଣରେ କଙ୍ଗନାଙ୍କୁ ଜବାବ ଦେଇଛନ୍ତି । ଦେଶଦ୍ରୋହୀ ବିରୋଧରେ କଙ୍ଗନାଙ୍କୁ ଗିରଫ କରିବା ପାଇଁ ସେ ଦାବି କରିଛନ୍ତି । କଙ୍ଗନାଙ୍କ ମୁଣ୍ଡ ପ୍ରଭାବିତ ହୋଇଛି ଏବଂ ତାଙ୍କୁ ମାନସିକ ଚିକିତ୍ସାର ଆବଶ୍ୟକ। ଅଛି । ଏହା ତାଙ୍କର ଏକ ବିକୃତ ରୋଗ। ମୁମ୍ବାଇ ଆସି କୋଟି କୋଟି ଟଙ୍କା ରୋଜଗାର କରୁଛନ୍ତି ଆଉ ମୁମ୍ବାଇକୁ ଅଭିଶାପ ଦେଉଛନ୍ତି । ଯାହା ଠିକ୍ କଥା ନୁହେଁ ।
ପ୍ରକାଶ ଥାଉକି ବର୍ତ୍ତମାନ କଙ୍ଗନାଙ୍କ ଧମକପୂର୍ଣ୍ଣ ଟ୍ବିଟକୁ ନେଇ ଚର୍ଚ୍ଚା ଜୋର ଧରିଛି । ଶୁକ୍ରବାର କରିଥିବା ଟ୍ବିଟରେ ସେ ଧମକ ଦେଇ କହିଛନ୍ତି, ‘ମୁଁ ଆସନ୍ତା 9 ତାରିଖରେ ମୁମାଇ ଯାତ୍ରା କରିବି । ଯାହାର ସାହସ ଅଛି ମତେ ଅଟକାଇ ଦେଖାନ୍ତୁ ।’ ତାଙ୍କର ଏହି ଟ୍ବିଟ ପରେ ଶିବସେନାର ନେତା କ୍ରୋଧିତ ନଜର ଆସୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
