ମୁମ୍ବାଇ: ବିବାଦୀୟ ଅଭିନେତ୍କରୀ ଙ୍ଗନା ରଣାୱତ । ନିଜ ଦମଦାର ଅଭିନୟ ପାଇଁ ପରିଚିତ କଙ୍ଗନା ଏବେ ନିଜର ଅପକମିଂ ଫିଲ୍ମ 'ଜଜମେଣ୍ଟାଲ'କୁ ନେଇ ଚର୍ଚ୍ଚାରେ ଅଛନ୍ତି । ଯାହାର ଦମଦାର ଟ୍ରେଲର ନିକଟରେ ରିଲିଜ ହୋଇଛି । ଫିଲ୍ମରେ ତାଙ୍କ ସହ ପୁଣି ନଜର ଆସିବେ ଅଭିନେତା ରାଜକୁମାର ରାଓ । ଫିଲ୍ମଟି ଜୁଲାଇ 26ରେ ସିନେମା ଘରେ ଦେଖିବାକୁ ମିଳିବ ।
କଙ୍ଗନାଙ୍କ 'ମଣିକର୍ଣ୍ଣିକା' ରିଲିଜ ପରେ ତାଙ୍କ ପାଖରେ ଫିଲ୍ମର ଅଫର ପରେ ଅଫର ଅଛି । ଏହା ମଧ୍ୟରେ ତାଙ୍କ ଆଉ ଏକ ଫିଲ୍ମ 'ଧାକଡ'ର ଫାଷ୍ଟ ଲୁକ ସାମ୍ନାକୁ ଆସିଛି । ଏଥିରେ ସେ ଦୁଇ ହାତରେ ବନ୍ଧୁକ ଧରି ଦମଦାର ଲୁକରେ ନଜର ଆସିଛନ୍ତି ।
ପୂର୍ବରୁ ଦେଇଥିବା ଏକ ସାକ୍ଷାତକାରରେ କଙ୍ଗନା କହିଥିଲେ କି 'ଧାକଡ' ଏକ ଆକ୍ସନ ଫିଲ୍ମ, ଯାହାର ସୁଟିଂ ଭାରତ ବ୍ୟତୀତ ଅନେକ ବିଦେଶୀ ଲୋକସନରେ କରାଯିବ । ତେବେ ଏଯାବତ୍ ଫିଲ୍ମକୁ ନେଇ ଅଧିକ ସୂଚନା ସାମ୍ନାକୁ ଆସିନାହିଁ ।
ଏହାସହ ଫିଲ୍ମର ଅନ୍ୟ ଷ୍ଟାରକାଷ୍ଟରଙ୍କ ବିଷୟରେ ମଧ୍ୟ ଘୋଷଣା ହୋଇନାହିଁ । ଏହି ଫିଲ୍ମରେ ନିର୍ଦ୍ଦେଶନା ଦାୟିତ୍ବ ସମ୍ଭାଳିଛନ୍ତି ରାଜନୀଶ ଘାଈ। ଫିଲ୍ମଟି ଆସନ୍ତା ବର୍ଷ ଦୀପାବଳିରେ ରିଲିଜ କରିବାର ଯୋଜନା କରିଛନ୍ତି ମେକର୍ସ । ଯଦି ଫିଲ୍ମଟି ଦୀପାବଳିରେ ରିଲିଜ ହେଲା ତେବେ ଫିଲ୍ମର ମୁହାଁମୁହିଁ ବରୁଣ ଧୱନଙ୍କ 'ରଣଭୂମି' ଫିଲ୍ମ ସହ ହେବ ।
ଏଠାରେ ସୂଚନାଯୋଗ୍ୟ, ଶୁକ୍ରବାର ଫିଲ୍ମ କ୍ରିଟିକ୍ସ ତରଣ ଆଦର୍ଶ ଟ୍ବିଟର ଆକାଉଣ୍ଟରେ 'ଧାକଡ'ର ଫାଷ୍ଟ ଲୁକ ସେୟାର କରି ଫିଲ୍ମର ରିଲିଜ ତାରିଖ ଘୋଷଣା କରିଥିଲେ ।
