ମୁମ୍ବାଇ: ଏବର୍ଷ ଅଗଷ୍ଟରେ ସାଉଥ ସୁପରଷ୍ଟାର ଅଜୀତଙ୍କ ଫିଲ୍ମ ‘ନେରକୋଣ୍ଡା ପାରଭାଈ’ ରିଲିଜ ହୋଇଥିଲା । ଫିଲ୍ମକୁ ଶାନଦାର ପ୍ରତିକ୍ରିୟା ମିଳିବା ସହ ବକ୍ସ ଅଫିସରେ ମଧ୍ୟ ଭଲ କେଲକ୍ସନ କରିବାରେ ସଫଳ ହୋଇଥିଲା । ଏହି ଫିଲ୍ମଟିକୁ ବଲିଉଡର ଲୋକପ୍ରିୟ ନିର୍ମାତା ବୋନି କପୁର ନିର୍ମାଣ କରିଥିଲେ । ସେହିପରି ଏହି ଫିଲ୍ମଟି ତାପସୀ ପନ୍ନୁ ଓ ଅମିତାଭ ବଚ୍ଚନଙ୍କ ଅଭିନୀତ ଫିଲ୍ମ ‘ପିଙ୍କ’ର ତାମିଲ ରିମେକ ଥିଲା ।
ଏବେ ପୁଣି ବୋଲି ବଲିଉଡର ଆଉ ଏକ ଫିଲ୍ମର ରିମେକ ଟଲିଉଡରେ ନିର୍ମାଣ କରିବାକୁ ଯାଉଛନ୍ତି । ଫିଲ୍ମଟି ହେଲା ଆୟୁଷ୍ମାନ ଖୁରାନାଙ୍କ ଅଭିନୀତ ‘ବଧାଇ ହୋ’ । ଯାହା ଗତ ବର୍ଷ ରିଲିଜ ହୋଇଥିଲା । ଆୟୁଷ୍ମାନଙ୍କ ସହ ଫିଲ୍ମରେ ନୀନା ଗୁପ୍ତା, ଗଜରାଜ ରାଓ ଓ ସାନିୟା ମଲହୋତ୍ରା ମୁଖ୍ୟ ଭୂମିକାରେ ନଜର ଆସିଥିଲେ । ଫିଲ୍ମଟି ନିକଟରେ ରାଷ୍ଟ୍ରୀୟ ପୁରସ୍କାର ମଧ୍ୟ ଜିତିଥିଲା ।
ପ୍ରକାଶ ଥାଉକି ‘ବଧାଇ ହୋ’ ର ରିମିକ ବୋନି, ଦିଲ ରାଜୁଙ୍କ ସହ ମିଶି ପ୍ରଯୋଜନା କରିବେ । କିନ୍ତୁ ଏଯାବତ ଫିଲ୍ମ ଷ୍ଟାରକାଷ୍ଟକୁ ନେଇ କୌଣସି ସୂଚନା ସାମ୍ନାକୁ ଆସିନାହିଁ । ଆସନ୍ତା ବର୍ଷ ଏହି ଫିଲ୍ମରେ ସୁଟିଂ ଆରମ୍ଭ ହେବ ବୋଲି ଶୁଣିବାକୁ ମିଳୁଛି ।
