ହାଇଦ୍ରାବାଦ: ଗାନ୍ଧିଜୀଙ୍କ 150ତମ ଜନ୍ମଦିନକୁ ଧୁମଧାମରେ ପାଳନ କରୁଛି ଭାରତ । ଏଥିରେ ପଛରେ ନାହିଁ ବଲିଉଡ । ସୋସିଆଲ ମିଡିଆରେ ବିଭିନ୍ନ ସେଲିବ୍ରିଟି ମହାତ୍ମା ଗାନ୍ଧୀଙ୍କୁ ଜଣାଇଛନ୍ତି ଶ୍ରଦ୍ଧାଞ୍ଜଳି । ଗାନ୍ଧୀଙ୍କ ଜନ୍ମଦିନକୁ ପାଳନ କରିଛନ୍ତି ବଲିଉଡର ଅନେକ ସେଲିବ୍ରିଟି ।
ଅଭିନେତା ସଲମାନ ଖାନ ଟ୍ବିଟ କରି ଗାନ୍ଧୀ ଜୟନ୍ତୀର ଶୁଭେଚ୍ଛା ଜଣାଇଛନ୍ତି । ଗାନ୍ଧୀ ଜୟନ୍ତୀ ଶୁଭେଚ୍ଛା ଜଣାଇବା ସହ ଦେଶକୁ ସ୍ବଚ୍ଛ ରଖିବା ପାଇଁ ବାର୍ତ୍ତା ଦେଇଛନ୍ତି ଚୁଲବୁଲ୍ ପାଣ୍ଡେ । ଅଭିନେତା ତଥା ରାଜନେତା ସନ୍ନି ଦେଓଲ 150ତମ ଗାନ୍ଧୀ ଜୟନ୍ତୀ ଓ ଶାସ୍ତ୍ରୀ ଜୟନ୍ତୀର ଅଭିନନ୍ଦନ ଜଣାଇଛନ୍ତି ।
ଫିଲ୍ମ ନିର୍ମାତା ମଧୁର ଭଣ୍ଡାରକର ମଧ୍ୟ ଗାନ୍ଧୀଙ୍କ ଜନ୍ମଦିବସରେ ଦେଶର ବିକାଶରେ ଭାଗିଦାରୀ ହେବାକୁ ଆହ୍ବନ ଦେଇଛନ୍ତି । ଅଭିନେତ୍ରୀ ଦିୟା ମିର୍ଜା ମଧ୍ୟ ଅହିଂସା ଓ ସତ୍ୟପଥ ଅନୁସରଣ କରିବା ପାଇଁ ଅନୁରୋଧ କରିଛନ୍ତି । ଅଭିନେତ୍ରୀ ମାଧୁରୀ ଦୀକ୍ଷିତ ନେନେ ମଧ୍ୟ ଟ୍ବିଟ କରି ଶୁଭେଚ୍ଛା ଜଣାଇଛନ୍ତି ।
