ମୁମ୍ବାଇ: ସାଉଥ୍ ସୁପରଷ୍ଟାର ଆଲ୍ଲୁ ଅର୍ଜୁନଙ୍କୁ କିଏ ବା ନଜାଣେ । ସବୁବେଳେ ନିଜର ଅନ୍ଦାଜ୍ ଓ ଅଭିନୟ ପାଇଁ ବେଶ୍ ଚର୍ଚ୍ଚା ରହିଥାନ୍ତି ସୁପରଷ୍ଟାର ଆଲ୍ଲୁ ଅର୍ଜୁନ । ଅଭିନେତାଙ୍କ ରହିଛନ୍ତି ହଜାର ହଜାର ପ୍ରଶଂସକ । ବର୍ତ୍ତମାନ ଫିଲ୍ମ 'ପୁଷ୍ପା'କୁ ନେଇ ଚର୍ଚ୍ଚାରେ ଅଛନ୍ତି ଆଲ୍ଲୁ ଅର୍ଜୁନ। ଅଭିନେତା ଅଲ୍ଲୁ ଅର୍ଜୁନ୍ ଏବଂ ଅଭିନେତ୍ରୀ ରଶ୍ମିକା ମନ୍ଦାନାଙ୍କ ଫିଲ୍ମ 'ପୁଷ୍ପା'ର ହିନ୍ଦୀ ଭର୍ସନ ବକ୍ସ ଅଫିସରେ ରେକର୍ଡ ଭାଙ୍ଗିଛି । ହିନ୍ଦୀ ଭର୍ସନରେ 'ପୁଷ୍ପା' ଖୁବ୍ ଶୀଘ୍ର ୭୫ କୋଟି ଟଙ୍କା ପାର୍ କରିବାକୁ ଯାଉଛି । ଏହିଭଳି ଭାବେ ଆଲ୍ଲୁଙ୍କ ଫିଲ୍ମ ବର୍ତ୍ତମାନ ସୁଦ୍ଧା ବକ୍ସ ଅଫିସରେ ୩୦୦ କୋଟି ରୋଜଗାର କରିଛି ।
- " class="align-text-top noRightClick twitterSection" data="
">
'ପୁଷ୍ପା' ଦେଖିବା ପରେ ବଲିଉଡରେ ଅଲ୍ଲୁ ଅର୍ଜୁନଙ୍କ ଫ୍ୟାନ୍ ଫଲୋଇଙ୍ଗ୍ ବହୁତ ବଢି ଯାଇଛି। ଅଭିନେତାଙ୍କ ଲୋକପ୍ରିୟତାକୁ ଦେଖି ହିନ୍ଦୀ ଫିଲ୍ମରୁ ଅଫର ମଧ୍ୟ ଆସୁଛି । ତେବେ ଲାଗୁଛି, ହିନ୍ଦୀ ଫିଲ୍ମ ପାଇଁ ଏବେ ଆଲ୍ଲୁଙ୍କ ଫ୍ୟାନ୍ସଙ୍କୁ ଆଉ ଟିକେ ଅପେକ୍ଷା କରିବାକୁ ପଡିବ । ଏହାକୁ ନେଇ ଏକ ସାକ୍ଷାତକାରରେ ଆଲ୍ଲୁ କହିଛନ୍ତି, ତାଙ୍କୁ ବଲିଉଡ ଫିଲ୍ମରୁ ଅଫର ଆସିଛି, କିନ୍ତୁ କୌଣସି ଅଫର୍ ଏତେ ଏକ୍ସାଇଟିଂ ନଥିଲା ଯାହା ପାଇଁ ସେ ସଙ୍ଗେ ସଙ୍ଗେ ହଁ କରିଦେଇଥାନ୍ତେ । ସେ ଆହୁରି ମଧ୍ୟ କହିଛନ୍ତି 'ହିନ୍ଦୀ ଫିଲ୍ମ ପାଇଁ ପ୍ରସ୍ତୁତ ଅଛି, କିନ୍ତୁ ଗୋଟିଏ ଭଲ କାହାଣୀ ମିଳିବା ଦରକାର।'
ବ୍ୟୁରୋ ରିପୋର୍ଟ, ଇଟିଭି ଭାରତ
