ନ୍ୟୁୟର୍କ: ଗତ 23 ମିଲିୟନ ବର୍ଷ ହେବ ବାୟୁମଣ୍ଡଳରେ ରହିଥିବା ଅଙ୍ଗାରକାମ୍ଲ ମାତ୍ରାର ରେକର୍ଡ ମଙ୍ଗଳବାର ଭାଙ୍ଗିଥିବା ପ୍ରକାଶ କରିଛନ୍ତି ଗବେଷକ । ଆମେରିକାର ୟୁନିଭର୍ସିଟି ଅଫ୍ ଲୁସିନିଆ କେତେକ ବର୍ଷ ବର୍ଷ ପୁରୁଣା ଫସିଲ ବା ଜୈବିକ ଅବଶିଷ୍ଟାଂଶକୁ ନେଇ ଏକ ଗବେଷଣା କରିଥିଲେ । ଯେଉଁଥିରୁ ସ୍ପଷ୍ଟ ହୋଇଥିଲା କି ଏହାଦ୍ବାରା ସୃଷ୍ଟି ହେଉଥିବା ବାୟୁମଣ୍ଡଳୀଯ ଅଙ୍ଗାରକାମ୍ଳର ମାତ୍ରା ଗତ 23 ମିଲିୟନ ବର୍ଷର ରେକର୍ଡକୁ ଭାଙ୍ଗିଛି ।
ଗବେଷକମାନେ ସରଳ ଭାବେ ବୁଝାଇ କହିଛନ୍ତି କି ବାୟୁମଣ୍ଡଳରେ ଉପସ୍ଥିତ ଅଙ୍ଗାକାମ୍ଳ ଗଛରେ ଥିବା କାର୍ବନର ଦୁଇ ଆଇସୋଟୋପ କାର୍ବନ-12 ଓ କାର୍ବନ-13ର ମାତ୍ରାକୁ ପ୍ରଭାବିତ କରିଥାଏ । ତେବେ ଗବେଷକମାନେ କରିଥିବା ଅନୁଧ୍ୟାନର ରିପୋର୍ଟ ଜିଓଲୋଜି ଜର୍ଣ୍ଣାଲରେ ପ୍ରକାଶିତ ହୋଇଥିବା ବେଳେ ଏଥିରେ ସ୍ପଷ୍ଟ ଲେଖା ରହିଛି କି ଗବେଷଣାରେ ବାୟୁମଣ୍ଡଳରେ ଥିବା ଅଙ୍ଗରକାମ୍ଳ ସ୍ତରକୁ ନିରୀକ୍ଷଣ କରାଯାଇଥିଲା । ଏହାର ଉପସ୍ଥିତିରେ ପୁରାତନ କାଳର ଗଛ ସବୁ ଏବେ ବି କିପରି ଜୀବିତ ଅଛନ୍ତି ତାହା ମଧ୍ୟ ଅନୁଧ୍ୟାନ କରାଯାଇଥିଲା ।
ବିଗତ ଦଶନ୍ଧି ଦଶନ୍ଧି ଧରି ବାୟୁମଣ୍ଡଳରେ ଅଙ୍ଗାରକାମ୍ଳର ପରିମାଣରେ ସେପରି କୌଣସି ବିଶେଷ ପରିବର୍ତ୍ତନ ହୋଇନଥିବା ବେଳେ ବର୍ତ୍ତମାନର ହଠାତ୍ ପରିବର୍ତ୍ତନର କାରଣ ଖୋଜିବା ଅତି କଷ୍ଟକର ବ୍ୟାପାର । ତେବେ ଏହା ପଛରେ ଗ୍ରୀନ ହାଉସ ଇଫେକ୍ଟ ବା ସବୁଜ ଗୃହ ପ୍ରଭାବରେ ହ୍ରାସ ଦାୟୀ ହୋଇପାରେ ବୋଲି ଗବେଷକମାନେ ଆକଳନ କରିଛନ୍ତି । ଏଥିପାଇଁ ବର୍ତ୍ତମାନ ବାୟୁମଣ୍ଡଳରେ ଅଙ୍ଗାରକାମ୍ଳର ମାତ୍ରାରେ ସାମାନ୍ୟ ପରିବର୍ତ୍ତନ ଅତ୍ୟଧିକ ତାପମାତ୍ରା ଆକରରେ ଅନୁଭୂତ ହେଉଛି ।
ତେଣୁ ସମୟ ଥାଉଣୁ ଲୋକଙ୍କୁ ଏସମସ୍ତ ବିଷୟ ପ୍ରତି ସଜାଗ ହେବ ସହ ଅଧିକ ଗଛ ଲଗାଇବା ଓ ପ୍ରକୃତିକୁ ବଞ୍ଚାଇବାର ପ୍ରୟାସ ଆରମ୍ଭ କରିବାର ଆବଶ୍ୟକତା ରହିଛି ବୋଲି ଗବେଷକମାନେ ପରାମର୍ଶ ଦେଇଛନ୍ତି ।
@IANS
