ଭୁବନେଶ୍ବର: ସରିଛି ପ୍ରଥମ ପର୍ଯ୍ୟାୟ ନିର୍ବାଚନ । କୋରାପୁଟ, ନବରଙ୍ଗପୁର, କଳାହାଣ୍ଡି ଏବଂ ବ୍ରହ୍ମପୁର ଏହି 4ଟି ଲୋକସଭା ପାଇଁ ଆଜି ଭୋଟ ଗ୍ରହଣ ହୋଇଛି । ତେବେ ଏହି ସମସ୍ତ ଆସନ କଂଗ୍ରେସ ଜିତିବ ବୋଲି ଦୃଢ଼ୋକ୍ତି ବାଢ଼ିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।
ଉପରୋକ୍ତ 4ଟି ଲୋକସଭା ଅଧିନସ୍ଥ 28ଟି ବିଧାନସଭା ଆସନ ଲାଗି ମଧ୍ୟ ଆଜି ମତଦାନ ପ୍ରକ୍ରିୟା ସରିଛି । ମୋଟ 217 ଜଣ ପ୍ରାର୍ଥୀଙ୍କ ଭାଗ୍ୟ ଇଭିଏମ ମେସିନରେ ସିଲ୍ ହୋଇସାରିଥିବାବେଳେ ଆରମ୍ଭ ହୋଇଛି ଅଙ୍କକଷା । ଇତିମଧ୍ୟରେ ବିଭିନ୍ନ ରାଜନୈତିକ ଦଳ ଏବଂ ଏହାର ନେତା ନିଜ ନିଜର ପ୍ରଦର୍ଶନ ଉପରେ ମତବ୍ୟକ୍ତ କରିବା ଆରମ୍ଭ କଲେଣି । ତେବେ ପିସିସି ମୁଖିଆ ସବୁଠୁ ବେଶୀ ଆଶାବାଦୀ ଅଛନ୍ତି । କଂଗ୍ରେସ 4ଟି ଲୋକସଭା ଆସନ ସମେତ 28ଟି ବିଧାନସଭାରୁ 18 ରୁ 20ଟିରେ ବାଜିମାତ କରିବ ବୋଲି ସେ କହିଛନ୍ତି । ତେବେ ବାସ୍ତବରେ ଏପରି ହେଉଛି ନାଁ ଏହା ନିରଞ୍ଜନଙ୍କ ଦିବା ସ୍ବପ୍ନ ତାହା ମେ 23 ତାରିଖରେ ଫଳାଫଳ ଘୋଷଣା ପରେ ଜଣାପଡ଼ିବ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
