ପୁରୀ: କୋଣାର୍କ ମେରାଇନ ଇକୋ ରିଟ୍ରିଟ ସମେତ ସକାଳୁ ଚନ୍ଦ୍ରଭାଗା ବେଳା ମାର୍ଗରେ ଭ୍ରମଣ କରିଛନ୍ତି ରାଜ୍ୟର ବରିଷ୍ଠ ପ୍ରଶାସନିକ ଅଫିସର ।ଶୁକ୍ରବାର ଭୁବନେଶ୍ବରରେ ଅନୁଷ୍ଠିତ ହୋଇଥିବl ସମ୍ମିଳନୀରେ ଓଡିଶାର ସମସ୍ତ IAS ଅଫିସରଙ୍କ ସମେତ ବରିଷ୍ଠ ପ୍ରଶାସନିକ ଅଧିକାରୀ ଯୋଗ ଦେଇଥିଲେ ।
ଏହାସହ କୋଣାର୍କ ମେରାଇନ ଡ୍ରାଇଭ ଇକୋ ରିଟ୍ରିଟରେ ରାତ୍ରି ଯାପନ କରିଥିଲେ l ସକାଳୁ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ, ଅତିରିକ୍ତ ଶାସନ ସଚିବ ସୁରେଶ ମହାପାତ୍ର ଓ ପୁରୀ ଜିଲ୍ଲାପାଳ ବଳୱନ୍ତ ସିଂଙ୍କ ସହିତ ପ୍ରାୟ 40ରୁ ଊର୍ଦ୍ଧ୍ବ ବରିଷ୍ଠ ଅଫିସର ସକାଳୁ ଚଦ୍ରଭାଗା ବେଳାମାର୍ଗ ପରିଦର୍ଶନ କରି ଏହାର ସୌନ୍ଦର୍ଯ୍ୟ କରଣ ପାଇଁ ଆଲୋଚନା କରିବା ସହ ବେଳାମାର୍ଗ ସଫେଇ କାର୍ଯ୍ୟକ୍ରମରେ ଯୋଗ ଦେଇଥିଲେ l
ବେଳାଭୂମିକୁ ସଫା ରଖିବା ନେଇ ବାର୍ତ୍ତା ଦେଇଥିଲେ ବରିଷ୍ଠ ଅଧିକାରୀ । ଅନ୍ୟପଟେ ଏହି ଅବସରରେ ମୁଖ୍ୟ ଶାସନ ସଚିବ କୋଣାର୍କ ଓ ଚନ୍ଦ୍ରଭାଗା ବେଳାଭୂମି ବୁଲି ଏହାର ବିକାଶ ଓ ଅନ୍ତର୍ଜାତୀୟ ପର୍ଯ୍ୟଟନ ସ୍ଥଳୀ କିଭଳି ହୋଇପାରିବ ସେ ନେଇ ସମୀକ୍ଷା କରିଥିଲେ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
