କଟକ: ରଥଯାତ୍ରା ପାଇଁ ଜାରି ନିୟମର କଟକରେ ହେଲା ଉଲଙ୍ଘନ । 10 ହଜାର ଫାଇନ ଗଣିଲେ ମନ୍ଦିର କର୍ତ୍ତୃପକ୍ଷ । କଟକରେ କୋଭିଡ କଟକଣା ଜୋରଦାର ରହିଥିଲା ବେଳେ ରଥଯାତ୍ରା ସମୟରେ ମନ୍ଦିର ପରିସରରେ ପ୍ରବଳ ଭିଡ଼ ଜମାଇବା ହେଲା କାଳ ।
ସିଡିଏ ସେକ୍ଟର-6 ରେ ଥିବା ଜଗନ୍ନାଥ ମନ୍ଦିରରେ ଭିଡ଼ର ଖବର ପାଇଥିଲା ସିଏମସି । ରଥଯାତ୍ରା ଉପଲକ୍ଷେ ମନ୍ଦିର ପରିସରରେ ଗହଳି ଲାଗିବା ନେଇ ଖବର ପାଇବା ପରେ ସିଏମସିର କୋଭିଡ ଏନଫୋର୍ସମେଣ୍ଟ ଟିମ ଚଢ଼ାଉ କରିଥିଲା । 10,000 ଫାଇନ ଗଣିଲେ ମନ୍ଦିର କର୍ତ୍ତୃପକ୍ଷ ।
ତେବେ କଟକରେ କୋଭିଡ ଗ୍ରାଫ ସର୍ବଦା ଉପରମୁଁହା ରହୁଥିବା ବେଳେ ସୋମବାର ମନ୍ଦିର ପରିସରରେ ଏପରି ଭିଡ଼ ସିଏମସିର ନିଦ ହଜାଇ ଦେଇଥିଲା । ତେବେ ରଥଯାତ୍ରା ପାଇଁ ଉକ୍ତ ଜଗନ୍ନାଥ ମନ୍ଦିରରେ ଅବଢାର ଆୟୋଜନ ମଧ୍ୟ ହୋଇଥିଲା । ଯାହାକୁ ନେଇ ଜମିଥିଲା ଭିଡ଼ ।
ଭୁବନେଶ୍ବରରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
