ଭୁବନେଶ୍ବର: ଅଧିକରୁ ଅଧିକ ଲୋକଙ୍କୁ ଟୀକାକରଣ ପାଇଁ ରହିଛି ଲକ୍ଷ୍ୟ। ରାଜ୍ୟରେ ଟୀକାକରଣକୁ ନେଇ ରାଜ୍ୟ ସରକାର ପ୍ରସ୍ତୁତି ଜାରି ରଖିଛନ୍ତି । ଏପଟେ ମେ 15 ସୁଦ୍ଧା ସମସ୍ତ ବରିଷ୍ଠ ନାଗରିକ ଙ୍କ ଟୀକାକରଣ ସରିବା ନେଇ ଟାର୍ଗେଟ ଅଛି ।
ରାଜ୍ୟରେ ଅଧିକରୁ ଅଧିକ ଲୋକଙ୍କ ଟିକା ଦେବା ଲକ୍ଷ୍ୟ ପୂରଣ ପାଇଁ ଦୈନିକ 30 ହଜାର ଟେଷ୍ଟ କରାଯାଉଛି । ହେଲେ ଏବେ 7300 ଆରଟିପିସିଆର ଟେଷ୍ଟ ପାଇଁ ଲକ୍ଷ୍ୟ ଅଛି । ମେ ୧୫ ସୁଦ୍ଧା ସବୁ ବୟସ୍କଙ୍କ ଟୀକାକରଣ ସାରିବା ପାଇଁ ଲକ୍ଷ୍ୟ ଅଛି। ଏଥିରେ ଜଣେ ସ୍ବତନ୍ତ୍ର ସଚିବ ଓ 6 ଜଣ ସିନିୟର ଡାକ୍ତରଙ୍କୁ 5 ଟି ଲେଖାଏଁ ଜିଲ୍ଲାର ଦାୟିତ୍ବ ଦିଆଯାଇଛି । ଏନେଇ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ସୂଚନା ଦେଇଛନ୍ତି।
ଅନ୍ୟପଟେ ମହାରାଷ୍ଟ୍ର ଓ କେରଳ କଟକଣା ଲାଗିରହିଥିବା ବେଳେ ବାହାର ରାଜ୍ୟରୁ ଆସୁଥିବା ଟ୍ରେନରେ ସମସ୍ତ ଯାତ୍ରୀଙ୍କୁ ଟ୍ରାକ କରାଯାଉଛି। କୋରୋନା ପ୍ରବଣ ଅଞ୍ଚଳରୁ ଆସୁଥିବା ଲୋକଙ୍କୁ ନେଗେଟିଭ ରିପୋର୍ଟ ଆଣିବାକୁ ହେବ । ଲକ୍ଷଣ ଥିବା ଲୋକଙ୍କୁ ସେମାନଙ୍କ ଷ୍ଟେସନରେ ଟେଷ୍ଟ କରାଯିବ ।
ଶୁକ୍ରବାର କୋରୋନା ସଂକ୍ରମଣ 23 ହଜାରରେ ପହଞ୍ଚିଛି । ମହାରାଷ୍ଟ୍ର, କେରଳ ଓ କର୍ଣ୍ଣାଟକରେ ସଂକ୍ରମଣ ବୃଦ୍ଧି ହୋଇଛି | କେରଳ ଓ ମହାରାଷ୍ଟ୍ର ଆମର ପ୍ରତିବନ୍ଧକ ରହିଛି, ଅନ୍ୟ କେଉଁ ରାଜ୍ୟକୁ କରାଯିବ ପରମର୍ଶ ନେବା ପରେ ଜଣାପଡିବ । ବିମାନବନ୍ଦରରେ ଚେକ କରାଯାଉଛି | ଆରଟି ପିସିଆର ଟେଷ୍ଟ ରିପୋର୍ଟ ନେଇ ଆସୁଛନ୍ତି | ରାଜ୍ୟରୁ ଟ୍ରେନରେ ଆସୁଥିବା ଲୋକଙ୍କ ଚେକିଂ କରାଯାଉଛି | ଟ୍ରେନରେ ଯେଉଁମାନେ ଆସିବେ , ସେମାନଙ୍କ ଲକ୍ଷଣ ରହିଥିଲେ ତାଙ୍କର ଆରଟିପିସି ଆର ଟେଷ୍ଟ କରାଯିବ । ଯଦି ପଜିଟିଭ ବାହାରେ ତେବେ ଆଇସୋଲେସନ, କୋଭିଡ ହସ୍ପିଟାଲ କିମ୍ବା ହୋମ ଆଇସୋଲେସନରେ ରଖାଯିବ ଏନେଇ ସୂଚନା ଦେଇଛନ୍ତି ଅତିରିକ୍ତ ମୁଖ୍ୟ ସ୍ୱାସ୍ଥ୍ୟ ସଚିବ ପ୍ରଦୀପ୍ତ ମହାପାତ୍ର।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
