ଭୁବନେଶ୍ବର : ଆଜି ହେଉଛି ଜାତୀୟ ବାଳିକା ଶିଶୁ ଦିବସ । ଏହି ଦିବସରେ ଏହି ଦିନଟି ପ୍ରଥମେ ୨୪ ଜାନୁଆରୀ ୨୦୦୮ରେ ପାଳନ କରାଯାଇଥିଲା। ମହିଳା ଏବଂ ଶିଶୁ ବିକାଶ ମନ୍ତ୍ରଣାଳୟ ଦ୍ବାରା ପର୍ଯ୍ୟବେକ୍ଷଣ ୨୦୦୮ରେ ଆରମ୍ଭ ହୋଇଥିଲା ।
ତେବେ ଏହି ଜାତୀୟ ବାଳିକା ଶିଶୁ ଦିବସର ଲକ୍ଷ୍ୟ ହେଉଛି ଝିଅମାନଙ୍କ ଅଧିକାର ପାଇଁ ସଚେତନତା ସୃଷ୍ଟି କରିବା । ଏହି ଦିବସ ବାଳିକାମାନଙ୍କର ଶିକ୍ଷା, ସ୍ୱାସ୍ଥ୍ୟ ଏବଂ ସ୍ବଚ୍ଛତାକୁ ପ୍ରୋତ୍ସାହିତ କରେ। ଚଳିତ ବର୍ଷ ଜାତୀୟ ବାଳିକା ଶିଶୁ ଦିବସର ବିଷୟବସ୍ତୁ ହେଉଛି “ଆସନ୍ତାକାଲି ଉଜ୍ଜ୍ୱଳ ବାଳିକା ବା ଝିଅମାନଙ୍କୁ ସଶକ୍ତ କରିବା” ।
ସେଥିପାଇଁ ଝିଅମାନଙ୍କୁ କେବଳ ସେମାନଙ୍କର ଲୁକ୍କାୟିତ ପ୍ରତିଭା ଦେଖାଇବା ପାଇଁ ନୁହେଁ । ବରଂ ସମ୍ପୂର୍ଣ୍ଣ ସ୍ୱାଧୀନତା ସହିତ ଜୀବନ ବିତାଇବାକୁ ମଧ୍ୟ ସୁଯୋଗ ଦିଆଯିବା ଆବଶ୍ୟକ । ଏହି ଥିମକୁ ନେଇ ଚିତ୍ରଶିଳ୍ପୀ ପ୍ରିୟଙ୍କା ସାହାଣୀ ଅଣ୍ଡାରେ ମାତୃ ଗର୍ଭରୁ ଗୋଟିଏ ଝିଅ ଏହି ଦୁନିଆକୁ ଆସିବା ପରେ କିଭଳି ଏକ ଉତ୍ତମ ଜୀବନର ସ୍ବପ୍ନ ଦେଖୁଛି । ଆଉ ସ୍କୁଲ ଯାଉଛି ତାହାହିଁ ନିଜର ଚିତ୍ର ମାଧ୍ୟମରେ ପ୍ରତିପାଦିତ କରିଛନ୍ତି । ତିନୋଟି ଅଣ୍ଡାରେ ହିଁ ପ୍ରିୟଙ୍କା ଏକ ଘଣ୍ଟାର ସମୟ ନେଇ ତାହା ତିଆରି କରିଛନ୍ତି । ଆଉ ନିଜେ ଜଣେ ଝିଅ ହୋଇଥିବାରୁ ଝିଅକୁ ବି ସ୍ୱାଧୀନତା ସହ ତା ଲକ୍ଷ୍ୟ ହାସଲ ହାସଲ କରିବା ପାଇଁ ସେ ବାର୍ତ୍ତା ଦେଇଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
