ଭୁବନେଶ୍ବର: ଉପନିର୍ବାଚନ ପାଇଁ କୋହଳ ହେଲା କୋଭିଡ କଟକଣା । ବାଲେଶ୍ଵର ଓ ଜଗତସିଂହପୁର ଜିଲ୍ଲାର ଦୁଇ ବିଧାନସଭା ନିର୍ବାଚନ ମଣ୍ଡଳୀ ପାଇଁ କଟକଣା କୋହଳ ହୋଇଛି । ବିଶେଷକରି ସାମାଜିକ, ସାଂସ୍କୃତିକ, ଧାର୍ମିକ କାର୍ଯ୍ୟକ୍ରମ ବାତିଲ କରାଯାଇଥିଲା । ହେଲେ ଏବେ ଏଥିରେ କୋହଳ ହୋଇଛି । ଜିଲ୍ଲା ପ୍ରଶାସନର ଅନୁମତିରେ ଏହି କାର୍ଯ୍ୟକ୍ରମ ସତର୍କତା ସହିତ କରାଯାଇପାରିବ ।
ହଲର କ୍ଷମତା 50 ପ୍ରତିଶତ ଲୋକଙ୍କୁ ନେଇ ବୈଠକ କରାଯାଇପାରିବ । ଏହି ସମୟରେ ସାମାଜିକ ଦୂରତା, ମାସ୍କ, ସାନିଟାଇଜର ବ୍ୟବହାର ବାଧ୍ୟତାମୂଳକ ହୋଇଛି ।
ସେହିଭଳି ଖୋଲା ପଡିଆରେ ବୈଠକ କରି ହେବ । ହେଲେ ସାମାଜିକ ଦୂରତା ସହିତ ଆବଶ୍ୟକ ସତର୍କତା ଅବଲମ୍ବନ କରିବାକୁ ହେବ । ଏସବୁ ସତର୍କତା ଜିଲ୍ଲା ପ୍ରଶାସନ ଉପରେ ନ୍ୟସ୍ତ କରାଯାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
