ଭୁବନେଶ୍ବର: ରାଜଧାନୀରେ ମାତିଛନ୍ତି ଠକ । ଏମ୍ସ ହସ୍ପିଟାଲରେ ଚାକିରି କରେଇଦେବାକୁ କହି 5 ଲକ୍ଷ ଟଙ୍କା ଠକେଇ ଅଭିଯୋଗ । ମନରେ ବିଶ୍ୱାସ ଜମାଇ ପାରିବାରିକ ପରିସ୍ଥିତି ଦେଖି ଟଙ୍କା ଠକେଇ କରିବାରେ ସଫଳ ହୋଇଛନ୍ତି ଜଣେ ନର୍ସ । ନର୍ସ ଜଣଙ୍କ ହେଲେ କନ୍ଧମାଳ ଜିଲ୍ଲାର ବଡ଼ଙ୍ଗୀଆ ଗାଁର କବିତା ଅଧିକାରୀ ।
ସୂଚନାନୁଯାୟୀ, 2018 ମସିହାରୁ କବିତା ଅଧିକାରୀ ଖଣ୍ଡଗିରିର ବରୀ ଅଞ୍ଚଳରେ ଶାନ୍ତି ସାହୁଙ୍କ ଘରେ ଭଡାରେ ରହିଆସୁଥିଲେ । କବିତା ନିଜକୁ ଜଣେ ନର୍ସ ବୋଲି ପରିଚୟ ଦେଇଥିଲେ । ଏହାର ସୁଯୋଗ ନେଇ ଘର ମାଲିକ ଶାନ୍ତି ସାହୁଙ୍କୁ ଏମ୍ସରେ ଚାକିରି କରିଦେବାକୁ ବାରମ୍ବାର କହୁଥିଲା କବିତା । ଶାନ୍ତି ସାହୁଙ୍କ ସ୍ୱାମୀଙ୍କ ଦେହାନ୍ତ ହୋଇଯାଇଥିବା ରୁ ପାରିବାରିକ ଆର୍ଥିକ ସମସ୍ୟା ରହିଥିଲା।
ପରିବାର ଚଳିବା ପାଇଁ ଏକ ଚାକିରି ଖୋଜୁଥିଲା ଶାନ୍ତି । ଏହାର ସୁଯୋଗ ନେଇ କବିତା ଶାନ୍ତିଙ୍କୁ 50 ହଜାର ଟଙ୍କା ମାଗିଥିଲେ । ଟଙ୍କା ନେବା ପରେ କବିତା ଏକ ନକଲି ଡିପୋଜିଟ ସ୍ଲିପ ଦେଇଥିଲା । ଏହା ପରେ ଶାନ୍ତିଙ୍କ ଦିଅର କୃଷ୍ଣ ଚନ୍ଦ୍ର ସାହୁଙ୍କୁ ଚାକିରି କରିଦେବାକୁ କହି 30 ମେ 2018 ମସିହାରେ ଦେଢ଼ ଲକ୍ଷ ଟଙ୍କା ନେଇଥିଲେ କବିତା । ଏହି ଟଙ୍କା ନେବାର ମାସକ ପରେ ଶାନ୍ତିଙ୍କ ଭାଇଙ୍କ ନିକଟରୁ ଏମ୍ସରେ ସୁପରଭାଇଜର ଚାକିରି ପାଇଁ 2 ଲକ୍ଷ ଟଙ୍କା ମାଗିଥିଲେ । ଏବଂ ଏହି ଦୁଇ ଲକ୍ଷ ଟଙ୍କା ସଂଗୀତା ବେହେରା ନାମକ ଜଣେ ଯୁବତୀଙ୍କ ଆକାଉଣ୍ଟରେ ଡିପୋଜିଟ କରିବା ପାଇଁ କହିଥିଲା କବିତା ।
ଏହାର 5 ମାସ ପରେ ଭାଇ ଦୀନବନ୍ଧୁ ସାହୁଙ୍କ ଠାରୁ ମଧ୍ୟ ଏକ ଲକ୍ଷ ଟଙ୍କା ନେଇଥିଲେ । ଏହା ପରେ 10 ହଜାର ଟଙ୍କା ଆକାଉଣ୍ଟରେ ଡିପୋଜିଟ ପାଇଁ କହିଥିଲା । ସମୟ ଗଡ଼ିବା ସହ ସହିତ ଅଭିଯୁକ୍ତ କବିତା ଚାକିରି ସମ୍ପର୍କିତ ତଥ୍ୟ କିଛି ଦେଇନଥିଲା ଶାନ୍ତି ଓ ଆଉ ଅନ୍ୟ 3 ଜଣଙ୍କୁ । ବାରମ୍ବାର ପଚାରିବା ଫଳରେ ଏମ୍ସର ସୀମା ମ୍ୟାଡ଼ାମ ଟଙ୍କା ନେଇଛନ୍ତି, ସେ ଆକାଉଣ୍ଟ ଡିପାର୍ଟମେଣ୍ଟରେ ଅଛନ୍ତି । ସେ ଟଙ୍କା ନେଇଛି ସେ ଚାକିରି କରିଦେବ ବୋଲି କହିଛି । ଆଉ କିଛି ଦିନ ଲାଗିବ। ଏହାପରେ କବିତା ବହୁ ଦିନ ଧରି ଗାଏବ ରହୁଥିଲା ।
ଏନେଇ ସମସ୍ତଙ୍କର ସନ୍ଦେହ ହେବାରୁ କବିତାକୁ ଟଙ୍କା ମାଗିବାରୁ କବିତାର ଭାଇ ଅଶ୍ବନୀ ସମସ୍ତଙ୍କୁ ଜୀବନରୁ ମାରିଦେବାକୁ ବାରମ୍ବାର ଧମକ ଦେଉଥିଲା । ଆଉ ଟଙ୍କା ମାଗିଲେ ରେପ କେଶରେ ଜେଲ କରିଦେବି ବୋଲି କହିଆସୁଥିଲା । ଏହି ଘଟଣାକୁ ନେଇ ଖଣ୍ଡଗିରି ଥାନାରେ ଏତଲା ଦେବା ଫଳରେ ଆଜି କବିତା ଅଧିକାରୀକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
