ଭୁବନେଶ୍ବର: ସାରା ରାଜ୍ୟରେ କୋରୋନା ଆତଙ୍କ ମାଡି ଚାଲିଥିବା ବେଳେ ଏବେ ସରକାରୀ କାର୍ଯ୍ୟାଳୟରେ ମଧ୍ୟ ମାଡିବାରେ ଲାଗିଛି ସଂକ୍ରମଣ ଭୟ । ଏମିତିରେ ଯଦି କୌଣସି ସରକାରୀ କାର୍ଯ୍ୟାଳରେ କୋରୋନା ସଂକ୍ରମଣର ମାମଲା ଚିହ୍ନଟ ହୁଏ ତେବେ ସେପରି ପରିସ୍ଥିତିରେ କ’ଣ କରାଯିବ ସେନେଇ ଏକ ଆଡଭାଇଜରୀ ଜାରି କରିଛି ସାଧାରଣ ପ୍ରଶାସନ ବିଭାଗ ।
ଏହି ଆଡଭାଇଜରୀ ମୁତାବକ ତୁରନ୍ତ ସମ୍ପୃକ୍ତ ସଂକ୍ରମିତ କର୍ମଚାରୀଙ୍କୁ ଅଲଗା ରଖାୟିବାର ବନ୍ଦୋବସ୍ତ କରାଯିବ । ଏଥିପାଇଁ ବିଏମସିର ଟୋଲ ଫ୍ରି ନମ୍ବରରେ ଯୋଗାଯୋଗ କରିବାକୁ ହେବ । ଏହାପରେ ସଂକ୍ରମିତଙ୍କ କଣ୍ଟାକ୍ଟ ଟ୍ରେସିଂ କରାଯିବ । କଣ୍ଟାକ୍ଟ ଟ୍ରେସ ହେବା ପରେ ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କୁ ଚିହ୍ନଟ କରାଯିବ । ଏଥିସହ ସମ୍ପୃକ୍ତ ଅଞ୍ଚଳକୁ ସାନିଟାଇଜ କରାଯିବା ପାଇଁ ମଧ୍ୟ ନିର୍ଦ୍ଦେଶ ରହିଛି ।
ତେବେ ଯଦି ପରିସ୍ଥିତି ଅଧିକ ଖରାପ ଆଡକୁ ଗତି କରେ ତେବେ ସମ୍ପୃକ୍ତ କାର୍ଯ୍ୟାଳୟକୁ ବନ୍ଦ କରାଯିବା ନେଇ ମଧ୍ୟ ଆଡଭାଇଡରୀରେ ସ୍ପଷ୍ଟ କରାଯାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
