ବ୍ରହ୍ମପୁର: ଗୋଟିଏ ଦିନରେ ଗଞ୍ଜାମରୁ ବାହାରିଲେଣି ୫୦ ପଜିଟିଭ୍ । ସେଥିମଧ୍ୟରୁ ୧୩ ଜଣ ଆଗଧାଡିରେ ସେବାରତ ସରକାରୀ କର୍ମଚାରୀ ତଥା କୋରୋନା ୱାରିୟର ଆକ୍ରାନ୍ତ ହୋଇଛନ୍ତି । ଏହି ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ପଜିଟିଭଙ୍କ ସଂଖ୍ୟା ୧୧୩୮ ରହିଥିବା ବେଳେ ସେଥିରୁ ୩୧୨ ଜଣ ଚିକିତ୍ସିତ ହେଉଥିବା ବେଳେ ୭୬୮ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ସେଥିମଧ୍ୟରୁ ୮ ଜଣଙ୍କର ମୃତ୍ୟୁ ଘଟିଛି ।
ସେହିପରି ପଜିଟିଭ୍ ଚିହ୍ନଟ ହୋଇଥିବା ୧୩ ଜଣ କୋରୋନା ୱାରିୟରଙ୍କ ମଧ୍ୟରେ ବ୍ରହ୍ମପୁର ମହାନଗର ନିଗମ ରେ ତିନି ଜଣ କର୍ମଚାରୀ ରହିଥିବା ବେଳେ ୮ ଜଣ ଆସିକା ଅଞ୍ଚଳର ଏବଂ କବିସୂର୍ଯ୍ୟନଗର ଏବଂ କୋଦଳାରେ ଜଣେ ଲେଖାଏଁ କର୍ମଚାରୀ ରହିଥିବା କୁହାଯାଇଛି । ସେହିପରି ବାହାର ରାଜ୍ୟରୁ ଆସିଥିବା ବ୍ୟକ୍ତିବିଶେଷଙ୍କ ମଧ୍ୟରୁ ଚାରି ଜଣ ପଜିଟିଭ୍ ରହିଥିବା ବେଳେ ସେମାନଙ୍କ ମଧ୍ୟରୁ ସୁରଟ ଏବଂ ପୁନେରୁ ଫେରିଥିବା ଜଣେ ଲେଖାଏଁ ଏବଂ ମୁମ୍ୱାଇରୁ ଦୁଇ ଜଣ ରହିଥିବା ଦେଖାଯାଇଛି ।
ଏହି ଆକ୍ରାନ୍ତ ମାନେ କୁକୁଡାଖଣ୍ଡି , ରଙ୍ଗେଇଲୁଣ୍ଡା ଏବଂ ସୋରଡା ଅଞ୍ଚଳରେ ରହିଥିବା ଜିଲ୍ଲାପାଳ ଟୁଇଟ୍ ମାଧ୍ୟମରେ ସୂଚନା ଦେଇଛନ୍ତି । ସେହିପରି ଜିଲ୍ଲାରେ ୩୩ ଜଣ ଏକ୍ଟିଭ୍ କଣ୍ଟ୍ରାକ୍ଟ ପଜିଟିଭ୍ ମାମଲା ରହିଥିବା ବେଳେ ଏହା ମୁଖ୍ୟତଃ ଜିଲ୍ଲାର କବିସୂର୍ଯ୍ୟନଗରରୁ ସର୍ବାଧିକ ୧୫ ଜଣ ଚିହ୍ନଟ ହୋଇଛନ୍ତି।
ଅନ୍ୟପଟେ ଖଲ୍ଲିକୋଟ,ଆସିକା , ଖଲ୍ଲିକୋଟ , ପୁରଷୋତ୍ତମପୁର ଏବଂ ସାନଖେମୁଣ୍ଡି ଅଞ୍ଚଳରୁ ଦୁଇ ଜଣ ଲେଖାଏଁ ଏବଂ ଛତ୍ରପୁର ଓ କୁକୁଡାଖଣ୍ଡିରୁ ଜଣେ ଲେଖାଏଁ ପଜିଟିଭ୍ ଚିହ୍ନଟ ହୋଇଥିବା ବେଳେ କେବଳ ବ୍ରହ୍ମପୁର ମହାନଗର ନିଗମରେ ପୁଣି ତିନି ଜଣ ଚିହ୍ନଟ ହୋଇଥିବା ସ୍ବାସ୍ଥ୍ୟ ବିଭାଗ ସୂଚନା ଦେଇଛି।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
