ନୂଆଦିଲ୍ଲୀ: ଗାଦିରେ ବସୁ ବସୁ କାମ ଆରମ୍ଭ କରିଦେଲେଣି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଗମୀ 100 ଦିନର ଆଗୁଆ କାର୍ଯ୍ୟସୂଚୀ କରି ଆରମ୍ଭ କରିଦେଲେଣି ପ୍ଲାନିଂ ପ୍ରୋଗ୍ରାମ । ଅର୍ଥନୀତିରୁ ମଜବୁତ ପାଇଁ ଆବଶ୍ୟକୀୟ ପ୍ରତିଟି ଦିଗ ଉପରେ ରଖିଛନ୍ତି କଡା ନଜର । ଖାସ କରି ଦେଶର ଆୟକୁ ବୃଦ୍ଧି କରିବାକୁ ଆପଣାଉଛନ୍ତି ଆପଣାଉଛନ୍ତି ନୂଆ ନୂଆ ଟ୍ରିକ ।
ତେବେ ସରକାରଙ୍କ ଫୋକସରେ ବେକାରୀ, ବ୍ୟବସାୟିକ ସୁଗମତା , ବିଦେଶୀ ପୁଞ୍ଜିନିବେଶ, ଏନପିଏ ଆଦି ରହିଛି। ଏଥିଲାଗି ସରକାର ପ୍ରଥମ 100 ଦିନକୁ ଆର୍ଥିକ ସୁଧାର ପାଇଁ ଘୋଷଣା କରିପାରନ୍ତି। ଏନେଇ ନୀତି ଆୟୋଗ ପକ୍ଷରୁ ସୂଚନା ମିଳିଛି । ସରକାରଙ୍କ ଏହି ପଦକ୍ଷେପରେ ବିଦେଶୀ ନିବେଶକ ଭାରତୀୟ ବଜାର ଆଡକୁ ଆକର୍ଷିତ ହେବେ ବୋଲି ଅନୁମାନ କରାଯାଉଛି ।
ଏଥିସହ ଏୟାର ଇଣ୍ଡିଆ ସମେତ 42 ସରକାରୀ କମ୍ପାନୀର ଘରୋଇକରଣ କିମ୍ବା ବନ୍ଦ ପାଇଁ ସରକାର ଯୋଜନା କରୁଛନ୍ତି। ଏପେଟ ଜୁଲାଇରୁ ସଂସଦରେ ଆରମ୍ଭ ହେବାକୁ ଥିବା ଅଧିବେଶନରେ କଠୋର ଶ୍ରମ ଆଇନ ଉପରେ ବିଚାର କରାଯିବ ।
