ନୂଆଦିଲ୍ଲୀ: ଭାରତ ସହ ଶତ୍ରୁତା ପାକିସ୍ତାନଙ୍କୁ ପଡିଛି ମହଙ୍ଗା । ବରବାଦ ସ୍ଥିତିରେ ଆତଙ୍କବାଦୀଙ୍କ ଉପତ୍ୟକା । ବାଣିଜ୍ୟ କଟକଣା ମଧ୍ୟରେ ଆବଦ୍ଧ ଦେଶ । କାଙ୍ଗାଳ ହେବାକୁ ବସିଛି ଅବସ୍ଥା । ଦେବାଳିଆ ମୁହାଁ ଅର୍ଥବ୍ୟବସ୍ଥା । ଏମଏଫଏନ ଟ୍ୟାଗକୁ ପ୍ରତ୍ୟାହୃତ ପରେ ରାଜକୋଷ ରୋଗାଗ୍ରସ୍ତ । ଦିନକୁ ହେଉଛି 80 କୋଟିର କ୍ଷତି । ଯାହାକି ଦେଶର ମେରୁଦଣ୍ଡକୁ ଭାଙ୍ଗିଦେଲାଣି ।
ପୁଲୱାମା ଆକ୍ରମଣ ପରେ ପାକିସ୍ତାନ ପ୍ରତି ଭାରତର କଠୋରତା ବଢିବାକୁ ଲାଗିଛି । ଭାରତର ଟମୋଟୋ ଓ ଚା ଚାଷୀ ପାକିସ୍ତାନକୁ ଦ୍ରବ୍ୟ ରପ୍ତାନୀ ଉପରେ ରୋକ ଲଗାଇ ଦେଇଛନ୍ତି । ସେହିପରି ପାକିସ୍ତାନରୁ ଆମଦାନୀ ହେଉଥିବା ସମସ୍ତ ସାମଗ୍ରୀ ଉପରେ ଭାରତ ଟିକସ 200%ବୃଦ୍ଧି ପାଇଛି । ଫଳରେ ପାକିସ୍ତାନର ଶହ ଶହ ଟ୍ରକ ସୀମା ପାଖରେ ଅଟକି ରହିଛନ୍ତି । ଏଥିଯୋଗୁଁ ଦେଶକୁ ଦୈନିକ 80 କୋଟିର କ୍ଷତି ସହିବାକୁ ପଡୁଛି ।
ଏପରି ସ୍ଥିତିରେ ଚାହିଦା ପୂରଣ ହେଉନଥିବାରୁ ଚିନ୍ତାରେ ପାକ୍ବାସୀ । ପ୍ରକାଶ ଥାଉ ଯେ, ଫେବୃଆରୀ 14ରେ ହୋଇଥିବା ପୁଲୱାମା ଆକ୍ରମଣରେ ଭାରତର 40 ବୀରପୁଅ ସହିଦ ହୋଇଛନ୍ତି । ପାକିସ୍ତାନର ଏହି କୁକର୍ମ ପାଇଁ ଭାରତ ଅଣ୍ଟା ଭିଡିସାରିଛି । ପାକକୁ ତଳିତଳାନ୍ତ କରିବାକୁ ସବୁ ଦିଗରୁ ପ୍ରଚେଷ୍ଟା କରିଛି । ପାକିସ୍ତାନ ସହ ସବୁ ବାଣିଜ୍ୟିକ ସମ୍ପର୍କ ତୁଟାଇ ସହ ସୀମା ଶୁଳ୍କ(କଷ୍ଟମ ଡ୍ୟୁଟି)କୁ ବଢାଇଦେଇଛି । ଏହାଦ୍ବାରା ଭାରତକୁ ସାମଗ୍ରୀ ରପ୍ତାନୀ କଲେ ପାକିସ୍ତାନକୁ ଅଧିକ କର ଦେବାକୁ ପଡ଼ିବ ।
