ଭୁବନେଶ୍ବର: ଆକାଶରୁ ବର୍ଷୁଛି ନିଆଁ । ସୂର୍ଯ୍ୟଦେବଙ୍କ କପୋରେ ଅସ୍ତବ୍ୟସ୍ତ ସାରା ରାଜ୍ୟ । ୧୦ଟି ସହରର ପାରଦ ୪୧ ଡିଗ୍ରୀ ଉପରକୁ ଯାଇଥିବାବେଳେ ଆଜି ସୁବର୍ଣ୍ଣପୁର 44.8ଡିଗ୍ରୀ ସେଲସିୟସ ସହ ପାଲଟିଥିଲା ରାଜ୍ୟର ସବୁଠାରୁ ଉତ୍ତତ୍ପ ସହର ।
ପାଣିପାଗ ବିଭାଗ ପୂର୍ବାନୁମାନ ଅନୁସାରେ ଆହୁରି ୬ରୁ ୭ ଦିନ ପର୍ଯ୍ୟନ୍ତ ସାରା ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିବ । ଏହାସହ ପଶ୍ଚିମ ଓଡ଼ିଶାଓ ଦକ୍ଷିଣ ଓଡ଼ିଶାର ଅନେକ ସ୍ଥାନରେ ତାତି ଅସମ୍ଭାଳ ହେବ ବୋଲି କୁହାଯାଇଛି । ଆଜି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ତରଫରୁ ଜାରି ଏକ ବୁଲେଟିନରେ ରାଜ୍ୟର ବିଭିନ୍ନ ସହରର ତାପମାତ୍ରା ଦର୍ଶାଯାଇଛି ।
ଆଇଏମଡି ତଥ୍ୟ ଅନୁସାରେ ସୁବର୍ଣ୍ଣପୁର 44.8, ଝାରସଗୁଡ଼ାରେ ୪୪.୦, ବଲାଙ୍ଗୀରରେ ୪୩.୭, ହୀରାକୁଦରେ ୪୩.୬, ଅନୁଗୁଳରେ ୪୨.୭ ପାରଦ ଛୁଇଁଥିବା କହିଛି ଆଇଏମଡି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
