ନବରଙ୍ଗପୁର: ଜିଲ୍ଲାରେ ରାଜନୈତିକ ହିଂସାକାଣ୍ଡ । ବିଜେଡି କର୍ମୀର ଆକ୍ରମଣରେ ଜଣେ କଂଗ୍ରେସ କର୍ମୀ ଗୁରୁତର ହୋଇଥିବା ଅଭିଯୋଗ ହୋଇଛି । ନବରଙ୍ଗପୁର ନନ୍ଦାହାଣ୍ଡି ବ୍ଲକ ଅନ୍ତର୍ଗତ ଦହଣା ଗାଁର କଂଗ୍ରେସ କର୍ମୀ ସଞ୍ଜୀବ ମିଶ୍ର ସେହି ଗ୍ରାମର ବିଜେଡି କର୍ମୀ ସନ୍ତୋଷ ମିଶ୍ରଙ୍କ ଛୁରାମାଡରେ ଗୁରୁତର ହୋଇଥିବା ଅଭିଯୋଗ ହୋଇଛି ।
ଆହତ କଂଗ୍ରେସ କର୍ମୀ ସଂଜୀବ କହିବାନୁସାରେ,ପୂର୍ବରୁ ସେ ଛାତ୍ର କଂଗ୍ରେସର ସଭାପତି ଥିବାବେଳେ ବିଜେଡି କର୍ମୀ ସନ୍ତୋଷ ମିଶ୍ର ତାଙ୍କୁ ବାରମ୍ବାର ଧମକ ଦେଉଥିଲେ । ଗୁରୁବାର ସେ କିଛି ଗ୍ରାମବାସୀଙ୍କ ସହ ଗାଁର ତ୍ରିନାଥ ମଣ୍ଡପରେ ବସି କଥା ହେଉଥିବା ସମୟରେ ସନ୍ତୋଷ ମିଶ୍ର ଆସି ତାଙ୍କ ସହ କୌଣସି ଏକ କଥାକୁ ନେଇ ବଚସା ହୋଇଥିଲା । ଏହି ସମୟରେ ସେ ଆଗାମୀ ୨୩ ନିର୍ବାଚନ ଫଳାଫଳରେ ଉଚିତ ଜବାବ ମିଳିବ ବୋଲି କହିଥିଲେ । ଏହା ପରେ ଉତ୍ୟକ୍ତ ଅବସ୍ଥାରେ ସନ୍ତୋଷ ଘରକୁ ଯାଇ ସାଥିରେ ଏକ ଛୁରୀ ଆଣି ତାଙ୍କୁ ପଛପଟୁ ମୁଣ୍ଡରେ ଆକ୍ରମଣ କରିଥିଲେ ।
ଭିଡିଓ ସୌଜନ୍ଯ: ସମ୍ବାଦଦାତା, ନବରଙ୍ଗପୁର
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
