କୋଲକତା: କର୍ଣ୍ଣାଟକ ପରେ ଏବେ ପଶ୍ଚିମବଙ୍ଗ ସରକାର ଜୁନ 1ରୁ ଧାର୍ମିକସ୍ଥଳ ଗୁଡିକୁ ଖୋଲିବାକୁ ନିଷ୍ପତ୍ତି ନେଇଛନ୍ତି । ହେଲେ ମନ୍ଦିର ପରିସରରେ 10ରୁ ଅଧିକ ଲୋକଙ୍କୁ ଏକାଠି ହେବା ନେଇ ପ୍ରତିବନ୍ଧକ ଲଗାଇଛନ୍ତି ।
ଦେଶରେ କୋରୋନା ଭୂତାଣୁର ବିସ୍ତାର ବୃଦ୍ଧି ପାଉଥିବାରୁ ସମସ୍ତ ଧାର୍ମିକ ସ୍ଥାନ, ଶିଳ୍ପ, ବ୍ୟବସାୟ ଆଦି ବନ୍ଦ ରହିଥିଲା । ମେ 25 ତାରିଖରୁ ସମଗ୍ର ଦେଶରେ ଲକଡାଉନ ପ୍ରକ୍ରିୟା ଜାରି ରହିଛି । ବର୍ତ୍ତମାନ ଦେଶରେ ଚତୁର୍ଥ ପର୍ଯ୍ୟାୟ ଲକଡାଉନ ଜାରି ରହିଥିବା ବେଳେ ମେ 31ରେ ଏହାର ଅବଧି ଶେଷ ହେବ ।
ତେବେ ଲକଡାଉନର ପ୍ରତି ପର୍ଯ୍ୟାୟରେ ସରକାର ଜାରି କରିଥିବା ନିୟମକୁ ସେ ସମୟର ସ୍ଥିତିକୁ ଦୃଷ୍ଟିରେ ରଖି କୋହଳ କରୁଛନ୍ତି । ନିକଟରେ ହୋଇଥିବା ବୈଠକରେ କେନ୍ଦ୍ର ଲକଡାଉନ କୋହଳ କରିବା ନିଷ୍ପତ୍ତି ରାଜ୍ୟ ସରକାରଙ୍କୁ ଦେଇଛନ୍ତି । ଏହି ପରିପ୍ରେକ୍ଷୀରେ ପଶ୍ଚିମବଙ୍ଗ ସରକାର ଧାର୍ମିକସ୍ଥଳ ଖୋଲିବାକୁ ନିଷ୍ପତ୍ତି ନେଇଛନ୍ତି ।
