ନୂଆଦିଲ୍ଲୀ: ରାହୁଲ ଗାନ୍ଧୀଙ୍କ ବିବାଦୀୟ ମନ୍ତବ୍ୟ ରେପ ଇନ ଇଣ୍ଡିଆ ମନ୍ତବ୍ୟକୁ ନେଇ ବିଜେପି କ୍ଷମା ପ୍ରାର୍ଥନା ଦାବି କରିଛି । ଅନ୍ୟପଟେ ରାହୁଲ ନିଜ ଜୀବନ ଚାଲିଗଲେ ମଧ୍ୟ ମୁଁ କ୍ଷମା ମାଗିବି ନାହିଁ ବୋଲି କହିଛନ୍ତି । ଏହାକୁ ନେଇ ଜାରି ରହିଛି ଘମାସାନ ।
ବିଜେପିର ଜଣେ ପରେ ଜଣେ ନେତା ରାହୁଲଙ୍କ ଉପରେ ହମଲା କରୁଛନ୍ତି । ସାଂସଦ ତଥା ଦଳର ଜାତୀୟ ମୁଖପାତ୍ର ସୁଧାଶୁଂ ତ୍ରିବେଦୀ କହିଛନ୍ତି ଯେଉଁଠି ରାହୁଲ ଗାନ୍ଧୀଙ୍କ କଥା ଉଠୁଛି ତାଙ୍କ ଚରିତ୍ର ସେମିତି। ରାଫେଲ ମାମଲାରେ ମଧ୍ୟ କିଛି ଦାବି କରି କରି ଶେଷରେ କ୍ଷମା ମାଗିଲେ । ସେହିଭଳି ଆରଏସଏସ ଉପରେ ବିବାଦୀୟ ମନ୍ତବ୍ୟ ଦେଇ ଏବେ କୋର୍ଟକୁ ଦୌଡୁଛନ୍ତି ବିବାଦୀୟ ବୟାନ ଦେବା ପରେ କ୍ଷମା ମାଗିବା ରାହୁଲ ଗାନ୍ଧୀଙ୍କ ଜୀବନର ଏକ ଅଂଶ । ଏହି ଘଟଣାରେ ମଧ୍ୟ ସେୟା ହେବାକୁ ଯାଉଛି ବୋଲି କହିଛନ୍ତି ।
