ଚେନ୍ନାଇ: ତାମିଲନାଡୁର ମଦୁରାଇ ବିଧାନସଭା ଆସନରେ ପ୍ରଚାର କରୁଥିବା ସମୟରେ କମଲ ହାସନଙ୍କ ଉପରକୁ ଚପଲ ମାଡ ହୋଇଛି । ସେ ପୂର୍ବରୁ ବିବାଦୀୟ ବୟାନ ଦେଇ ବେଶ୍ ଚର୍ଚ୍ଚିତ ହୋଇଥିଲେ ।
ଏହି ଘଟଣାରେ ପୋଲିସ 11ଜଣଙ୍କୁ ଗିରଫ କରିଛି । ଗିରଫ ହୋଇଥିବା ଲୋକଙ୍କ ମଧ୍ୟରେ ଏକାଧିକ ବିଜେପି, ହନୁମାନସେନା ଓ ଅନ୍ୟାନ୍ୟ ଦଳର କର୍ମୀ ରହିଥିବା ଜଣାପଡିଛି । ମଞ୍ଚରେ ଶ୍ରୀ ହାସନ ଭାଷଣ ଦେବା ସମୟରେ ଏମାନେ ତାଙ୍କ ଉପରକୁ ଚପଲ ଫିଙ୍ଗିଥିଲେ । ହେଲେ ଚପଲ ତାଙ୍କ ଦେହରେ ନ ବାଜି ତଳେ ପଡିଯାଇଥିଲା ବୋଲି ପୋଲିସ ସୂତ୍ରରୁ ଜଣାପଡିଛି ।
ଗତ କିଛିଦିନ ତଳେ ଶ୍ରୀ ହାସନ ମହାତ୍ମା ଗାନ୍ଧିଙ୍କ ହତ୍ୟା କରିଥିବା ନାଥୁରାମ ଗଡସେଙ୍କୁ ସ୍ବାଧୀନ ଭାରତର ପ୍ରଥମ ହିନ୍ଦୁ ଆତଙ୍କବାଦୀ କହି ବେଶ୍ ବିବାଦୀୟ ହୋଇଥିଲେ ।
