ନୂଆଦିଲ୍ଲୀ: ଭାରତରେ ଡିମାଣ୍ଡରେ ରହିଆସୁଥିବା ଭିଡିଓ ଷ୍ଟ୍ରିମିଂ ପ୍ଲାଟଫର୍ମ ନେଟଫ୍ଲିକ୍ସ । ଏହା ଖୁବ୍ ଶୀଘ୍ର ଭାରତୀୟଙ୍କ ପାଇଁ ଏକ ମୋବାଇଲ୍ ପ୍ଲସ ପ୍ଲାନ ପ୍ରସ୍ତୁତ କରିବାକୁ ଯାଉଛି । ନେଟଫ୍ଲିକ୍ସର ଏହି ପ୍ଲାନ ମୋବାଇଲ୍, ଟାବଲେଟ୍ ଏବଂ କମ୍ପ୍ୟୁଟର ବ୍ୟବହାରକାରୀଙ୍କ ପାଇଁ ଏଚଡି ଷ୍ଟ୍ରିମିଂ ସୁବିଧା ଉପଲବ୍ଧ କରିବ । ତେବେ ସବୁଠାରୁ ଗୁରୁତ୍ବପୂର୍ଣ୍ଣ କଥା ଏହି ଯୋଜନାର ମୂଲ୍ୟ ମାତ୍ର 349 ଟଙ୍କା ନିର୍ଦ୍ଧାରିତ କରାଯାଇଛି ।
ରିପୋର୍ଟ ଅନୁଯାୟୀ, ନେଟଫ୍ଲିକ୍ସର ମୋବାଇଲ୍ ପ୍ଲସ୍ ପ୍ଲାନର ବର୍ତ୍ତମାନ ଟେଷ୍ଟ ଜାରି ରହିଛି । ଏହା ଶେଷ ହେବାପରେ ସମସ୍ତଙ୍କ ପାଇଁ ଉପଲବ୍ଧ କରାଯିବ । ଯଦିଚ ଏହି ମୋବାଇଲ୍ ପ୍ଲସ୍ ପ୍ଲାନ ସମସ୍ତ ପ୍ଲାଟଫର୍ମ ଉର୍ଦ୍ଧିଷ୍ଟ ଅଟେ ମାତ୍ର ଏହା ବର୍ତ୍ତମାନ ପାଇଁ କେବଳ ଗୋଟିଏ ଡିଭାଇସରେ ହିଁ ବ୍ୟବହାର କରାଯାଇ ପାରିବ ।
ନେଟଫ୍ଲିକ୍ସ ଗତ ବର୍ଷ ଭାରତରେ ଏକ ମୋବାଇଲ୍ ପ୍ଲାନ ପ୍ରସ୍ତୁତ କରିଥିଲା ଯାହାର ମୂଲ୍ୟ 199 ଟଙ୍କା ଥିଲା ଏବଂ ଏହା କେବଳ ଏସଡି ଷ୍ଟ୍ରିମିଂ ପାଇଁ ଥିଲା କିନ୍ତୁ ବର୍ତ୍ତମାନ କମ୍ପାନୀ ଏହି ପ୍ଲାନକୁ ଏଚଡି ପାଇଁ ମଧ୍ୟ ପ୍ରସ୍ତୁତ କରିଛି ।
ତେବେ 499 ଟଙ୍କା ବ୍ୟତୀତ ଭାରତରେ ଅନ୍ୟ ଦୁଇଟି ନେଟଫ୍ଲିକ୍ସ ପ୍ଲାନ ରହିଛି । ସେଥିମଧ୍ୟରୁ ଗୋଟିଏ 649 ଟଙ୍କା ଏବଂ ଅନ୍ୟଟି 799 ଟଙ୍କା ଧାର୍ଯ୍ୟ କରାଯାଇଛି । 649 ଟଙ୍କାର ପ୍ଲା୍ନ ଏଚଡି ବିଷୟବସ୍ତୁ ଏବଂ ଦୁଇଟି ଡିଭାଇସ୍ ସପୋର୍ଟ ସହିତ ଆସିଥିବାବେଳେ 799 ଟଙ୍କାର ପ୍ଲାନ 4କେ, ଏଚଡିଆର କଣ୍ଟେଣ୍ଟ, ୟୁଏଚଡି ଏବଂ ଚାରୋଟି ଡିଭାଇସ୍ ସପୋର୍ଟ ସହିତ ଉପଲବ୍ଧ ହେଉଛି ।
