ନୂଆଦିଲ୍ଲୀ: ଗ୍ରାହକକୁ ପୁଣି ମହଙ୍ଗା ମାଡ । ଖୁବ ଶୀଘ୍ର ବଢିବା ପାରେ କ୍ଷୀର ଦର । ଦୁଗ୍ଧ ଉତ୍ପାଦନକାରୀ ରାଜ୍ୟ ଗୁଡିକରେ ଚଳିତ ବର୍ଷ କମ୍ ବୃଷ୍ଟିପାତ କାରଣରୁ ଏଭଳି ସ୍ଥିତି ଉପନ୍ନ ହୋଇଛି । ସାଧାରଣତଃ ବର୍ଷା ଋତୁରେ ଦୁଗ୍ଧ ଉତ୍ପାଦନ ଭଲ ହୋଇଥାଏ । ହେଲେ ଚଳିତ ବର୍ଷ ଅନେକ ରାଜ୍ୟରେ କମ୍ ପରିମାଣରେ ବୃଷ୍ଟିପାତ କାରଣରୁ ଦୁଗ୍ଧ ବ୍ୟବସାୟ ଉପରେ ଏହାର ପ୍ରଭାବ ପଡିଛି । ଏହାର ପ୍ରଭାବରେ ଦୁଗ୍ଧ ଦର ବୃଦ୍ଧି ପାଇବ ବୋଲି କୁହାଯାଉଛି ।
ବର୍ଷା କମ୍ ହେବା କାରଣରୁ ଦୁଗ୍ଧ ଚାଷୀମାନେ ଗୋପାଳନ ପାଇଁ ଅଧିକ ଖର୍ଚ୍ଚାନ୍ତ ସହୁଛନ୍ତି । ତେଣୁ ସେମାନେ କ୍ଷୀର ଦର ବୃଦ୍ଧି କରୁଛନ୍ତି । ଯାହା ଫଳରେ ଚାଷୀଙ୍କ ଠାରୁ ଦୁଗ୍ଧ ନେଇ ବ୍ୟବସାୟ କରୁଥିବା କମ୍ପାନୀମାନେ ମଧ୍ୟ ଦୁଗ୍ଧ ଜାତ ଦ୍ରବ୍ୟ ଦରର ମୂଲ୍ୟ କରିବାରେ ଲାଗିଛନ୍ତି । ତେବେ ଗତ ମାସରେ ଏକ ପ୍ରତିଷ୍ଠିତ କମ୍ପାନୀ ଦୁଗ୍ଧରେ 2 ଟଙ୍କା ବଢାଇଛି । ତେଣୁ କୃଷକଙ୍କୁ ଲାଭବାନ ପାଇଁ କ୍ଷୀର ଦର ବୃଦ୍ଧି କରାଯିବା ନେଇ ଅନୁମାନ କରାଯାଉଛି ।
