ଗୁଜୁରାତ: ସୁରତର ତକ୍ଷଶୀଳା ଅଗ୍ନିକାଣ୍ଡରେ 20 ଜଣ ଛାତ୍ରଙ୍କ ମୃତ୍ୟୁ ଘଟଣା ସାରା ଦେଶକୁ ସ୍ତବ୍ଦ କରିଦେଇଥିବାବେଳେ ଜଣେ ଯୁବକଙ୍କ ସାହାସିକ କାର୍ଯ୍ୟ ସବୁ ଗଣମାଧ୍ୟମର ପୃଷ୍ଠା ମଣ୍ଡନ କରିଛି । ତାଙ୍କ ନାମ କେତନ । ସାହସିକତା ତାଙ୍କର ଆକାଶକୁ ଛୁଇଁବା ଭଳି । ନିଆଁର ମୁହଁରେ ଛିଡା ହୋଇ ବଞ୍ଚାଇ ପାରିଛନ୍ତି 12 ଜୀବନ ।
ସରଥନା ଅଞ୍ଚଳର ତକ୍ଷଶୀଳା କମ୍ପଲେକ୍ସ ପାଖରେ ଥିବା ଟ୍ରାନ୍ସଫର୍ମରରୁ ଧୂଆଁ ବାହାରିବା ପରେ କମ୍ପଲେକ୍ସରେ ନିଆଁ ଲାଗିଯାଇଥିଲା । ଚତୁର୍ଥ ମହଲାରେ ପିଲାମାନେ କୋଚିଂ କ୍ଲାସରେ ପାଠ ପଢୁଥିଲେ । ସେତେବେଳକୁ ନିଆଁ ଚାରିଆଡେ ବ୍ୟାପି ସାରିଥିଲା ।
ନିଆଁର ମୁହଁରେ ମୃତ୍ୟୁକୁ ସାମ୍ନା କରୁଥିବା ପିଲାମାନେ କିଛି ନଭାବି ଛାତ ଉପରୁ ଡେଇଁବାକୁ ଲାଗିଲେ । ପିଲାଙ୍କୁ ଡେଇଁବାର ଦେଖି କେତନ ଗୋଟିଏ ସିଢି ନେଇ କୋଠାର କାନ୍ଥକୁ ସାହାରା କରି ପିଲାଙ୍କୁ ତଳକୁ ଆଣିବାରେ ସାହାଯ୍ୟ କରିଥିଲା । କେତନଙ୍କ ସାହସିକତା ଯୋଗୁଁ 12 ଜଣଙ୍କ ଜୀବନ ବଞ୍ଚି ପାରିଛି ।
