ନୂଆଦିଲ୍ଲୀ: ଅନ୍ତରୀକ୍ଷରେ ଚୀନକୁ ଟକ୍କର ଦେବା ସହ ରାଷ୍ଟ୍ରୀୟ ସୁରକ୍ଷାକୁ ସୁଦୃଢ କରିବା ନେଇ ଭାରତ ପକ୍ଷରୁ ଆରମ୍ଭ ହୋଇଛି ଅଭିଯାନ । ଆଣ୍ଟି-ସ୍ୟାଟେଲାଇଟ(ଏ-ସ୍ୟାଟ) ମିସାଇଲ ସଫଳ ପରୀକ୍ଷଣ ପରେ ଏବେ ଟ୍ରାଇ ସର୍ଭିସ ଡିଫେନ୍ସ ଏଜେନ୍ସି ଆରମ୍ଭ କରିଦେଇଛି ଦେଶ । ଏଥିସହ ଆଗାମୀ ମାସରୁ ସିମୁଲେଟେଡ 'ଅନ୍ତରୀକ୍ଷ ଯୁଦ୍ଧାଭ୍ୟାସ' ନେଇ ଯୋଜନା କରାଯାଉଛି । ଯାହାକୁ 'ଇଣ୍ଡୋସ୍ପେସଏକ୍ସ' ବୋଲି କୁହାଯାଉଛି ।
ଏହି ଅଭ୍ୟାସ ମୂଳ ରୂପରେ 'ଟେବୁଲ-ଟପ ବାର-ଗେମ' ଉପରେ ଆଧାରିତ। ଯେଉଁଥିରେ ସେନା ଓ ବୈଜ୍ଞାନିକ ସମୁଦାୟ ସମସ୍ତ ହିତାଧିକାରୀ ଏଥିରେ ଅଂଶ ଗ୍ରହଣ କରିବେ । ଏହା ସେହି ଗମ୍ଭୀରତାକୁ ସୂଚାଉଛି ଯେଉଁଥିରେ ଭାରତ-ଚୀନ ଭଳି ଦେଶର ମହାକାଶ ସମ୍ପତ୍ତି ଉପରେ ସମ୍ଭାବିତ ଭୟ ସହ ମୁକାବିଲା କରିବାକୁ ପ୍ରସ୍ତୁତ ରହିବ।
ଜଣେ ବରିଷ୍ଠ ଅଧିକାରୀଙ୍କ ଅନୁଯାୟୀ, ମହାକାଶରେ ସୈନ୍ୟକରଣ କରାଯାଉଛି। ପ୍ରତିରକ୍ଷାମନ୍ତ୍ରଣାଳୟର ତତ୍ତ୍ବାବଧାନରେ ଜୁଲାଇ ମାସର ଶେଷ ସପ୍ତାହରେ ଆୟୋଜିତ ହେଉଥିବା ଅଭ୍ୟାସର ମୁଖ୍ୟ ଉଦ୍ଦେଶ୍ୟ ଭାରତ ଦ୍ବାରା ସୁରକ୍ଷା ସୁନିଶ୍ଚିତ କରିବା ଓ ଆବଶ୍ୟକ ଅନ୍ତରୀକ୍ଷିୟ ଓ କାଉଣ୍ଟର-ସ୍ପେସରେ କ୍ଷମତାକୁ ଆକଳନ କରିବ । ଆଉ ଏହା ଦ୍ବାରା ରାଷ୍ଟ୍ରୀୟ ସୁରକ୍ଷାର ମଧ୍ୟ ଆକଳନ କରିହେବ ।
ଅନ୍ୟ ଏକ ବରିଷ୍ଠ ଅଧିକାରୀ କୁହନ୍ତି, ଭାରତର ମହାକାଶ ଅଭିଯାନରେ ବିରୋଧୀଙ୍କ ନଜର ରହିଛି । ଏଥିସହ ସଞ୍ଚାର, ମିସାଇଲ, ଚେତାବନୀ ଓ ସଠିକ ଟାର୍ଗେଟର ଆବଶ୍ୟକତା ରହିଛି । ଯଦ୍ବାରା ଅମାପ ସଶସ୍ତ ବଳର ବିଶ୍ବସନୀୟତା ବୃଦ୍ଧି ହେବା ସହ ରାଷ୍ଟ୍ରୀୟ ସୁରକ୍ଷା ବୃଦ୍ଧି ପାଇବ ।
