ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅଭିନନ୍ଦନ ଜଣାଇଲା ସୁପର ପାଓ୍ବାର ଆମେରିକା । ସାଧାରଣ ନିର୍ବାଚନରେ ବିପୁଳ ବିଜୟ ପରେ ମୋଦିଙ୍କୁ ଅଭିନନ୍ଦନ ଜଣାଇଛନ୍ତି ଆମେରିକା ରାଷ୍ଟ୍ରପତି । ବିଜେପିର ଦମଦାର ପ୍ରଦର୍ଶନ ପରେ ସାତ ଦରିଆ ପାରିରୁ ମୋଦିଙ୍କୁ ଛୁଟୁଛି ଶୁଭେଚ୍ଛା ସୁଅ । ଆମେରିକା ପୂର୍ବରୁ ଇସ୍ରାଏଲ, ନେପାଳ, ପାକିସ୍ତାନ, ଚୀନ ଓ ଋଷ ସମେତ ଅନେକ ଦେଶ ମୋଦିଙ୍କୁ ଅଭିନନ୍ଦନ ଜଣାଇଛନ୍ତି।
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଟ୍ବିଟ୍ କରି ଲେଖିଛନ୍ତି, ବିପୁଳ ବିଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିଜେପି ଦଳକୁ ଅଭିନନ୍ଦନ ଜଣାଇଛନ୍ତି । ମୋଦି ପୁଣି ଥରେ କ୍ଷମତାକୁ ଫେରିବା ପରେ ଭାରତ ଏବଂ ଆମେରିକା ସମ୍ପର୍କ ନୂଆ ଶିଖରରେ ପହଞ୍ଚିବ ବୋଲି ସେ ଲେଖିଛନ୍ତି । ଏପରିକି ଦୁଇ ଦେଶ ଆଗାମୀ ଦିନରେ ଏକାଠି କାମ କରିବାକୁ ମୁଁ ଆଶାବାଦୀ ବୋଲି ଲେଖିଛନ୍ତି ଟ୍ରମ୍ପ ।
