ହାଇଦ୍ରାବାଦ: ବଲିଉଡ ଭେଟେରାନ ଅଭିନେତ୍ରୀ ଶର୍ମିଲା ଟାଗୋରଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । 14 ବର୍ଷ ପରେ ପରଦାକୁ ଫେରିବାକୁ ପ୍ରସ୍ତୁତ ଅଭିନେତ୍ରୀ ଶର୍ମିଲା ଟାଗୋର । ଫିଲ୍ମ 'ଆଉଟହାଉସ୍' ସହ କମବ୍ୟାକ କରୁଛନ୍ତି । ଏହି ଫିଲ୍ମ ଚଳିତ ବର୍ଷ ରିଲିଜ ହେବାକୁ ଥିବା ବେଳେ ଏହି ଖବର ଆସିବା ପରେ ଫ୍ୟାନ୍ସଙ୍କ ଉତ୍ସାହ ବଢିଯାଇଛି ।
ଏହି ଦିନ ପରଦାକୁ ଆସିବ ଫିଲ୍ମ
ଫିଲ୍ମ 'ଆଉଟହାଉସ୍' ଡିସେମ୍ୱର 20ରେ ରିଲିଜ ହେବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ସୁନୀଲ ସୁକାନ୍ତକର। ଏହି ଚଳଚ୍ଚିତ୍ରରେ ଶର୍ମିଲା ଟାଗୋରଙ୍କ ସହ ଅଭିନେତା ମୋହନ ଅଗାଶେ ମଧ୍ୟ ନଜର ଆସିବେ। ଏଥିସହ ଏହି ଚଳଚ୍ଚିତ୍ରରେ ସୋନାଲି କୁଲକର୍ଣ୍ଣି, ନୀରଜ କାବି ଏବଂ ସୁନୀଲ ଅଭିଙ୍କାର ମଧ୍ୟ ନଜର ଆସିବେ। ଫିଲ୍ମକୁ ନେଇ ଅଭିନେତା ମୋହନ ଏକ ବିବୃତ୍ତିରେ କହିଛନ୍ତି ଯେ, “ଆଉଟହାଉସ୍” ହେଉଛି ଏକ ସମ୍ପୂର୍ଣ୍ଣ ପରିବାରିକ କାହାଣୀ ଉପରେ ଆଧାରିତ ଫିଲ୍ମ । ଯାହା କିଛି ଚମତ୍କାର ଏବଂ ହୃଦୟସ୍ପର୍ଶୀ ମୂହୁର୍ତ୍ତର ପ୍ରତିଶୃତି ଦେବ । ଏଥିସହ ସେ ଶର୍ମିଲାଙ୍କ ସହ କାମ କରି ଖୁସିବ୍ୟକ୍ତ କରିଛନ୍ତି ।
ଏହା ମଧ୍ୟ ପଢନ୍ତୁ: ସୈଫ-ଅମୃତାଙ୍କ ବିବାହ ବିଚ୍ଛେଦ ନେଇ ମୁହଁ ଖୋଲିଲେ ଶର୍ମିଲା, କହିଲେ ଏହା ସହଜ ନଥିଲା
ଶେଷଥର 'ଗୁଲମୋହର'ରେ ନଜର ଆସିଥିଲେ ଶର୍ମିଲା
ଏହା ବ୍ୟତୀତ ଅଭିନେତ୍ରୀ ଶର୍ମିଲା ଋତୁପର୍ଣ୍ଣା ସେନଗୁପ୍ତଙ୍କ ବଙ୍ଗାଳି ଫିଲ୍ମ 'ପୁରାତନ'ରେ ମଧ୍ୟ କାମ କରିଥିଲେ। ସେହି ଚଳଚ୍ଚିତ୍ରଟି ବିଦେଶରେ ସମ୍ମାନିତ ହୋଇଛି, ତଥାପି ଏହା ପ୍ରେକ୍ଷାଳୟରେ ରିଲିଜ୍ ହୋଇନାହିଁ । ଏହି ସମୟରେ ଶର୍ମିଲା ଟାଗୋର ହିନ୍ଦୀ ଚଳଚ୍ଚିତ୍ର ଦୀର୍ଘ ସମୟ ପରେ ବଡ ପରଦାରେ ମୁକ୍ତିଲାଭ କରୁଛି । ନିକଟରେ ତାଙ୍କୁ ଓଟିଟିରେ ରିଲିଜ ଫିଲ୍ମ 'ଗୁଲମୋହର'ରେ ଦେଖିବାକୁ ମିଳିଥିଲା । 70 ତମ ଜାତୀୟ ଚଳଚ୍ଚିତ୍ର ପୁରସ୍କାରରେ 'ଗୁଲମୋହର'କୁ ଶ୍ରେଷ୍ଠ ହିନ୍ଦୀ ଚଳଚ୍ଚିତ୍ର ପୁରସ୍କାର ପ୍ରଦାନ କରାଯାଇଥିଲା । ରାହୁଲ ଭି ଚିତ୍ତେଲାଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ମନୋଜ ବାଜପେୟୀ, ସିମରନ୍ ଏବଂ ସୋରାଜ ଶର୍ମା ମଧ୍ୟ ଅଭିନୟ କରିଛନ୍ତି । ଏହି ଫିଲ୍ମ ଡିସ୍ନି ଫ୍ଲସ ହଟଷ୍ଟାରରେ ରିଲିଜ ହୋଇଥିଲା । 'ଗୁଲମୋହର' ପୂର୍ବରୁ 79 ବର୍ଷୀୟ ଟାଗୋରଙ୍କୁ 2010 ରେ ଦୀପିକା ପାଦୁକୋନ ଏବଂ ଇମ୍ରାନ ଖାନ ଅଭିନୀତ 'ବ୍ରେକ କେ ବାଦ'ରେ ଦେଖିବାକୁ ମିଳିଥିଲା ।
ଏହା ମଧ୍ୟ ପଢନ୍ତୁ: ପୁଣି ବଡ ପରଦାରେ ନଜର ଆସିବେ ଏହି ସବୁ ଫେମସ କଳାକାର, ଲିଷ୍ଟରେ ପକାନ୍ତୁ ନଜର
ବ୍ୟୁରୋ ରିପୋର୍ଟ, ଇଟିଭି ଭାରତ
