ହାଇଦ୍ରାବାଦ: ବଲିଉଡ ଷ୍ଟାର ଅଜୟ ଦେବଗନ ନିଜ ପରିବାର ସହ ଆଜି (ମଙ୍ଗଳବାର) ତାଙ୍କ 55ତମ ଜନ୍ମଦିନ ଖୁବ ଧୁମଧାମରେ ପାଳନ କରିଛନ୍ତି । ଏହି ଅବସରରେ ତାଙ୍କୁ ଶୁଭେଚ୍ଛାର ସୁଅ ଛୁଟୁଛି । ସାଙ୍ଗସାଥୀ, ସେଲିବ୍ରିଟି ଏବଂ ଫ୍ୟାନ୍ସ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଉଛନ୍ତି । ଏହି ଅବସରରେ ପତ୍ନୀ କାଜୋଲ ମଧ୍ୟ ତାଙ୍କୁ ରୋମାଣ୍ଟିକ ଅନ୍ଦାଜରେ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ସେହିପରି ଅଭିନେତା ତାଙ୍କ ଜନ୍ମଦିନରେ ଫ୍ୟାନ୍ସଙ୍କ ପାଇଁ ଫିଲ୍ମ ' ମୈଦାନ'ରୁ ଏକ ଭେଟି ଦେବାକୁ ଯାଉଛନ୍ତି ।
ଅଭିନେତ୍ରୀ କାଜୋଲ ଅଜୟଙ୍କ ଏକ ଫଟୋ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରି ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏଥିସହ ସେ କ୍ୟାପସନରେ ଲେଖିଛନ୍ତି ଯେ, ଯେବେଠୁ ମୁଁ ଜାଣିବାକୁ ପାଇଛି ସେବେଠୁ ତୁମ ଜନ୍ମଦିନ ପାଇଁ ଉତ୍ସାହିତ ଅଛି । ତୁମକୁ ଜନ୍ମଦିନର ଶୁଭେଚ୍ଛା ଅଜୟ ଦେବଗନ । ପ୍ରକାଶ ଥାଉକି, ଅଜୟ ଦେବଗନଙ୍କ ଫିଲ୍ମ 'ମୈଦାନ' ଆସନ୍ତା ୧୦ ତାରିଖରେ ରିଲିଜ ହେବାକୁ ଯାଉଛି । ଏହି ଦିନ ମୈଦାନକୁ ଅକ୍ଷୟ କୁମାର ଓ ଟାଇଗର ଶ୍ରଫଙ୍କ ଷ୍ଟାରର ବହୁ ପ୍ରତୀକ୍ଷିତ ଫିଲ୍ମ 'ବଡ଼େ ମିୟାଁ ଛୋଟେ ମିୟାଁ' ରିଲିଜ ହେବାକୁ ଯାଉଛି । ତେବେ ଏବେ ଦେଖିବାକୁ ବାକି ରହିଲା ବକ୍ସ ଅଫିସରେ କାହା ଫିଲ୍ମ ବାଜି ମାରିବ ।
ଏହା ମଧ୍ୟ ପଢନ୍ତୁ-'ମୈଦାନ'ର ନୂଆ ଟ୍ରାକ ମିର୍ଜା ରିଲିଜ; ପରଦାରେ ଅଜୟ-ପ୍ରିୟାମଣିଙ୍କ ଜବରଦସ୍ତ କେମେଷ୍ଟ୍ରି
ଏହା ମଧ୍ୟ ପଢନ୍ତୁ-'ମୈଦାନ'ର ନୂଆ ଟ୍ରାକ ମିର୍ଜା ରିଲିଜ; ପରଦାରେ ଅଜୟ-ପ୍ରିୟାମଣିଙ୍କ ଜବରଦସ୍ତ କେମେଷ୍ଟ୍ରି
ଏହି ଫିଲ୍ମ ଜଣେ ବ୍ୟକ୍ତିଙ୍କ ପ୍ରକୃତ କାହାଣୀ ନେଇ ପ୍ରସ୍ତୁତ କରାଯାଇଛି । ଯିଏ ଭାରତ ପାଇଁ ଏପରି ଇତିହାସ ଏବଂ ରେକର୍ଡ ସୃଷ୍ଟି କରିଥିଲେ, ଯାହାକି ବର୍ଷ ବର୍ଷ ପରେ ମଧ୍ୟ ଆମେ ବିଶ୍ବର ସର୍ବାଧିକ ଖେଳା ଯାଇଥିବା କ୍ରୀଡ଼ାରେ ସେହି ସଫଳତା ସହ ମେଳ କରିପାରିଲୁ ନାହିଁ । ଏହି ଫିଲ୍ମରେ ଅଜୟ ଦେବଗନଙ୍କୁ ଏକ ଫୁଟବଲ ପ୍ରଶିକ୍ଷକ ସେୟଦ ଅବଦୁଲ୍ଲ ରହିମଙ୍କ ଭୂମିକାରେ ଦେଖିବାକୁ ମିଳିବ । ଯିଏ ୧୯୫୨ରୁ ୧୯୬୨ ପର୍ଯ୍ୟନ୍ତ ଫୁଟବଲ କୋଚ ଥିଲେ । ଏହି ଫିଲ୍ମରେ ଆର୍ ରେହମାନ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
