हैदराबाद Oppo Find X8 सीरीज : थोड्याच वेळात Oppo आपली Find X8 सीरीज लॉंच करणार आहे. ही सीरीज कॅमेऱ्याच्या दृष्टीनं सर्वात जबरदस्त असेल. कॅमेराच्या बाबतीत ही सीरिज आयफोनला टक्कर देण्याची शक्यता वर्तवण्यात येत आहे.
Oppo Find X8 सीरीज किंमत : Oppo आपली Find X8 मालिका 21 नोव्हेंबर रोजी भारतासह जागतिक बाजारात देखील लॉंच करतोय. यावेळी, फ्लॅगशिप लाइनअप भारतातही थोड्याच वेळात लॉंच होईल. बऱ्याच काळानंतर, Oppo ची प्रीमियम Find X मालिका भारतीय बाजारपेठेत पुनरागमन करत आहे. भारतीय ग्राहकांनी भारतात फक्त Oppo Find X6 Pro आणि Find X7 Ultra सारखे ब्रँड शोकेस मॉडेल पाहिले आहेत. त्याच वेळी, Oppo Find X8 ची युरोपियन किंमत लॉंच होण्यापूर्वी लीक झाली आहे.
स्मार्टफोन्सची किंमत युरोपियन बाजारापेक्षा कमी : 16GB रॅम आणि 512GB स्टोरेजसह Oppo Find X8 Pro ची युरोपमध्ये किंमत EUR 1,199 असेल. हे किंमत भारतीय चलनात सुमारे 1लाख 7 हजार 150 रुपय होते. मात्र, हा या फोनची भारतात काय किंमत असेल ते थोड्याच वेळात कळेल. भारतातील बहुतेक स्मार्टफोन्सची किंमत युरोपियन बाजारापेक्षा कमी असते. त्यामुळं किंमत कमी असण्याची शक्यता आहे. Oppo Find X8 मालिकेची किंमत चीनमध्ये विकल्या जात असलेल्या किंमतीपेक्षा थोडी जास्त असू शकते. तसंच, ही किंमत 16GB मॉडेलसाठी आहे. कंपनी कमी किंमतीत 12GB वेरिएंट देखील आणू शकते.
Oppo Find X8 मालिकाची चीनमध्ये किंमत : Oppo Find X8 या फोनची चीनमध्ये CNY 4,199 म्हणजेच सुमारे 48 हजार 900 रुपये किंमत आहे.
Oppo Find X8 Pro : CNY 5,299 म्हणजेच सुमारे 61 हजार 700 रुपये.
X8 मॉडेलची किंमत : वरील किंमती पाहता Oppo Find X8 Pro ची भारतात किंमत 70 हजारांपेक्षा कमी असण्याची शक्यता आहे. Oppo भारतात परवडणाऱ्या किमतीत देऊ फोन लॉंच करु शकतो. iQOO 13 आणि Realme GT 7 Pro शी स्पर्धा करण्यासाठी, Find X8 मॉडेलची किंमत 60 हजारांपेक्षा कमी असू शकते.
OnePlus 13 शी करणार स्पर्धा : Find X8 Pro OnePlus 13 शी स्पर्धा करेल, ज्याची किंमत देखील 70 हजार रुपयांपेक्षा कमी असण्याची अपेक्षा आहे. ओप्पो भारतातील प्रीमियम स्मार्टफोन सेगमेंटमध्ये Find X मालिकेतील कॅमेरा देखील जबरदस्त असणार आहे.
हे वाचलंत का :
