कुख्यात गुन्हेगाराला भर रस्त्यात घातल्या गोळ्या; पूर्व वैमन्यस्यातून खून केल्याचा पोलिसांना संशय - Youth Shot Dead In In Pune

Youth Shot Dead In In Pune : पिंपरी चिंचवड परिसरातील नवी सांगवी इथं कुख्यात गुन्हेगाराला गोळ्या घालून ठार केल्यानं मोठी खळबळ उडाली. ही घटना गुरुवारी रात्री घडली असून पोलीस मारेकऱ्यांचा शोध घेत आहेत.

पुणे Youth Shot Dead In In Pune : पिंपरी चिंचवड परिसरात गुन्हेगारी दिवसेंदिवस डोकं वर काढत आहे. त्यातच गुरुवारी रात्रीच्या सुमारास अज्ञात हल्लेखोरांनी नवी सांगवी परिसरात गोळ्या झाडून एका 30 वर्षीय तरुणाची हत्या केल्यानं मोठी खळबळ उडाली आहे. हत्येचं नेमकं कारण अद्याप समोर आलेलं नाही. मात्र या घटनेनं परिसरात दहशत पसरली आहे. पोलिसांनी आरोपींचा शोध घेण्यासाठी पथकं रवाना केली आहेत. दीपक कदम असं त्या तरुणाचं नाव असून तो कुख्यात गुन्हेगार असल्याची माहिती समोर येत आहे.

मारेकऱ्यांनी भररस्त्यात केला गोळीबार : याबाबत अधिक माहिती अशी की, पिंपरी चिंचवड शहरातील नवी सांगवी या गजबजलेल्या परिसरात नागरिकांची मोठी वर्दळ सुरू असते. या ठिकाणी दीपक हा तरुण उभा होता. त्यावेळी दबा धरून बसलेल्या अज्ञात हल्लेखोरांनी त्याच्या तोंडावर पिस्तुलातून फायरींग केली. अचानक फायारिंग झाल्यानं त्याला पळायला देखील संधी मिळाली नाही. त्याचा जागेवरच मृत्यू झाला. त्याचा मृतदेह रक्ताच्या थारोळ्यात पडला होता. घटनेची माहिती पोलिसांना मिळताच पोलिसांनी घटनास्थळी धाव घेत घटनेचा पंचनामा करण्याचं काम सुरू केलं. पोलिसांकडून पुढील तपास करण्याचं काम सुरू आहे.

दीपक हा कुख्यात गुन्हेगार : पुणे आणि पिंपरी चिंचवड शहरात गुन्हेगारी दिवसेंदिवस वाढत आहे. त्याला चाप बसवण्याचं काम पोलिसांकडून केलं जाणं गरजेचं आहे. या घटनेनं पिंपरी चिंचवडसह पुणे शहरात देखील मोठ्या संख्येनं गुन्हेगारी वाढताना पहायला मिळत आहे. सराईत गुन्हेगाराचा खून झाल्यानं काही प्रमाणात या भागात दहशती पसरली आहे. पूर्व वैमस्यातून ही हत्या झाली का याचा तपास पोलिसांकडून केला जात आहे, अशी माहिती पोलीस सूत्रांनी दिली आहे.

हेही वाचा :