डॉ. अविनाश असनारे संत गाडगेबाबा अमरावती विद्यापीठाचे नवे कुलसचिव - Amravati University New Chancellor

Amravati University New Chancellor : संत गाडगेबाबा अमरावती विद्यापीठाचे नवे कुलसचिव म्हणून डॉक्टर अविनाश असणारे यांची नियुक्ती करण्यात आली. आज त्यांनी पदभार स्वीकारला. ते विद्यापीठाच्या क्रीडा व शारीरिक शिक्षण विभागाचे संचालक म्हणून कार्यरत होते.

अमरावती Amravati University New Chancellor : संत गाडगेबाबा अमरावती विद्यापीठाचे नवे कुलसचिव म्हणून डॉक्टर अविनाश असणारे यांची नियुक्ती करण्यात आली. गुरुवारी त्यांनी आपल्या कुलसचिव पदाचा पदभार प्रभारी कुलसचिव मंगेश वरखेडे यांच्याकडून स्वीकारला.

डॉ. असनारे यांना विद्यापीठाच्या कार्याचा अनुभव : डॉ. अविनाश असणारे हे संत गाडगेबाबा अमरावती विद्यापीठाच्या क्रीडा व शारीरिक शिक्षण विभागाचे संचालक म्हणून कार्यरत होते. त्यांना विद्यापीठ प्रशासकीय कामाचा प्रदीर्घ अनुभव आहे. विद्यापीठातील अनेक खेळाडूंना राज्य आणि राष्ट्रीय पातळीवर यशस्वी होण्यासाठी डॉ. अविनाश असणारे यांनी मार्गदर्शन केले आहे. त्यांनी घडवलेले अनेक खेळाडू आज देशभर विविध क्षेत्रात आहेत. कुलसचिव म्हणून नवी आणि महत्त्वाची जबाबदारी सर्व कर्मचाऱ्यांच्या सहकार्याने विद्यापीठाच्या सर्वांगीण हितासाठी माझी राहील, असं डॉक्टर अविनाश असणारे यांनी 'ईटीव्ही भारत'शी बोलताना म्हटले आहे. अमरावती शहरातील साहित्य, क्रीडा आणि सांस्कृतिक क्षेत्रात देखील डॉ. अविनाश असणारे यांचे महत्त्वपूर्ण योगदान आहे.